depositphotos.com
قازاقستاندا ەلەكتروموبيلدەرگە ارنالعان جاسىل نومىرلەر ەنگىزىلەدى
قازاقستاندا ەلەكتروموبيلدەردى انىقتاۋدى جەڭىلدەتۋ ماقساتىندا ارنايى جاسىل ءتۇستى مەملەكەتتىك نومىرلەر ەنگىزىلۋى جوسپارلانۋدا. بۇل تۋرالى ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى.
بۇل وزگەرىس ارنايى تۇراقتاردا، زاريادتاۋ ستانسيالارىندا جانە باسقا دا ەرەكشە قولجەتىمدى ايماقتاردا ەلەكتروموبيلدەردى تەز ارادا اجىراتۋعا مۇمكىندىك بەرەدى.
«ەلەكتروموبيلدەرگە ارنالعان مەملەكەتتىك نومىرلەردىڭ فونىن وزگەرتۋ قاجەتتىلىگى تۋىنداپ وتىر. الەمدىك تاجىريبەدە بۇل نومىرلەر جاسىل تۇسپەن بويالادى، سوندىقتان بۇل ماسەلە قاراستىرىلىپ، قولداۋعا يە بولىپ وتىر»، - دەدى ءادىلوۆ.
دەپۋتات ارمان قالىقوۆ بۇل باستامانى قولداپ، قازىرگى كەزدەگى اۆتوماتتى جۇيەلەر مەن كامەرالاردىڭ ەلەكتروموبيل مەن قاراپايىم كولىكتى اجىراتا المايتىنىن اتاپ ءوتتى. بۇل جاعداي ەكولوگيالىق تازا كولىك يەلەرىنە تۇراقتاردا جانە باسقا دا ايماقتارعا كىرۋ كەزىندە قيىندىقتار تۋدىرادى.
«تەحنيكالىق قۇرالدار ەلەكتروموبيلدى كادىمگى كولىكتەن ءارقاشان اجىراتا المايدى. بۇل اسىرەسە ەرەكشە قورعالاتىن تابيعي اۋماقتارعا كىرۋ كەزىندە بايقالادى. سونداي-اق، جول پوليسياسى قىزمەتكەرلەرىنىڭ جۇمىسىندا دا قيىندىقتار تۋىندايدى. وسى زاڭ جوباسى اياسىندا ءبىزدىڭ ەكولوگيا كوميتەتى ەلەكتر كولىكتەرىنە بولەك مەملەكەتتىك ءنومىر ءتۇسىن قولدانۋدى ۇسىندى»، - دەدى قالىقوۆ.
ەستەرىڭىزگە سالا كەتەيىك، 2024 جىلدىڭ 18 قىركۇيەگىنەن باستاپ قازاقستاندا ەلەكتروموبيلدەرگە تەگىن تۇراق قۇقىعىن بەرەتىن زاڭ كۇشىنە ەنگەن بولاتىن. قازىرگى ۋاقىتتا بۇل ءۇشىن جۇرگىزۋشىلەر راستايتىن قۇجاتتاردى كورسەتۋى كەرەك، ءبىراق ءتۇستى نومىرلەردى ەنگىزۋ بارلىق راسىمدەردى جەڭىلدەتەدى دەپ كۇتىلۋدە.
-
رەسەيدە ىقتيمال توڭكەرىس پەن قاستاندىق ءقاۋپى تۋرالى اقپارات تاراعاننان كەيىن پرەزيدەنت ۆلاديمير ءپۋتيننىڭ قاۋىپسىزدىك شارالارى كۇشەيتىلدى. ول ۋاقىتىن كوبىنە جەراستى پانالارىندا وتكىزەدى دەگەن دەرەكتەر بار.
-
Kazakhstan is planning to introduce special green license plates for electric vehicles to simplify identification and streamline access to designated areas and charging stations.
