InfoHub Logo

2026 جىلدىڭ 12 ناۋرىزىنان باستاپ قازاقستاندا بەينەكامەرالار تەك كولىك جۇرگىزۋشىلەرىن عانا ەمەس، جاياۋ جۇرگىنشىلەر مەن تەمەكى شەگۋشىلەردى دە جازالاي باستايدى. بۇل تۋرالى سۆيدەتەل.kz سايتىنا سىلتەمە جاساپ، Stan.kz حابارلايدى.

بۇل وزگەرىستەر ق ر اكىمشىلىك قۇقىق بۇزۋشىلىقتار تۋرالى كودەكسىنە (زاڭ №257-VIII) ەنگىزىلگەن جاڭا نورمالارعا بايلانىستى بولىپ وتىر. ەندى اۆتوماتتى تۇردە انىقتالاتىن قۇقىق بۇزۋشىلىقتاردىڭ اۋقىمى كەڭەيتىلەدى.

بۇرىن حاتتاما تولتىرىلماي جازا قولدانۋ كوبىنەسە جىلدامدىقتى اسىرعان نەمەسە تىيىم سالىنعان سيگنالدان وتكەن جۇرگىزۋشىلەرگە قاتىستى بولسا، ەندى بۇل تەتىك كەز كەلگەن اكىمشىلىك قۇقىق بۇزۋشىلىقتى اۆتوماتتى تۇردە انىقتاپ، جاۋاپكەرشىلىككە تارتۋعا مۇمكىندىك بەرەدى.

زاڭداعى وزگەرىستەر قانداي؟

اكىمشىلىك قۇقىق بۇزۋشىلىقتار تۋرالى كودەكستىڭ 31-بابىندا سيفرلىق جۇيەلەر ارقىلى انىقتالعان قۇقىق بۇزۋشىلىقتار ءۇشىن تۇلعانى جاۋاپكەرشىلىككە تارتۋدىڭ اۆتوماتتاندىرىلعان ءتارتىبى بەكىتىلگەن. بۇل دەرەكتەردى وڭدەۋ نەگىزىندە جۇزەگە اسىرىلادى.

كولىك قۇرالدارىن پايدالانۋ ارقىلى جاسالعان قۇقىق بۇزۋشىلىقتار ءۇشىن جاۋاپكەرشىلىك كولىك يەسىنە جۇكتەلەدى.

قانداي ارەكەتتەر ءۇشىن ايىپپۇل سالىنۋى مۇمكىن؟

بەينەكامەرالار، دروندار جانە باسقا دا تانۋ جۇيەلەرى ارقىلى انىقتالاتىن قۇقىق بۇزۋشىلىقتار قاتارىنا مىنالار جاتادى:

ەگەر جۇيە ادامدى انىقتاپ، دەرەكتەر مەملەكەتتىك بازالارمەن ينتەگراسيالانسا، كلاسسيكالىق حاتتاما تولتىرىلماي-اق قاۋلى شىعارىلۋى مۇمكىن.

بۇل ءىس جۇزىندە نەنى بىلدىرەدى؟

قالالىق بەينەباقىلاۋ جۇيەلەرى، سونىڭ ىشىندە «سەرگەك» سياقتى كەشەندەر، قۇقىق بۇزۋشىلىقتاردى انىقتاۋدىڭ كەڭەيتىلگەن سەنارييلەرىن الادى. بۇرىن جازبالار دالەل رەتىندە قولدانىلسا، ەندى كۇندەلىكتى اكىمشىلىك باقىلاۋ تەتىگىنە اينالادى.

باسقا ەلدەردە بۇل قالاي جۇمىس ىستەيدى؟

مۇنداي جۇيەلەر ءبىرقاتار ەلدەردە بۇرىننان بار. مىسالى، قىتايدا بەتتى تانۋ تەحنولوگياسى جول ەرەجەسىن بۇزعانداردى انىقتاۋ ءۇشىن بەلسەندى قولدانىلادى. سينگاپۋر كامەرالار مەن روبوتتاردى تەمەكى شەگۋدەن باستاپ، ۆەلوسيپەدتى دۇرىس قويماۋعا دەيىنگى بۇزۋشىلىقتاردى انىقتاۋعا پايدالانادى. دۋبايدا دا ينتەللەكتۋالدى رادارلار جاياۋ جۇرگىنشىلەردىڭ دە قۇقىق بۇزۋشىلىقتارىن تىركەيدى.

قورىتىندى

بۇل وزگەرىستەر جاڭا قۇقىق بۇزۋشىلىقتاردى ەنگىزبەيدى، ءبىراق ولاردى اكىمشىلىك راسىمدەۋ ءتاسىلىن وزگەرتەدى. نەگىزگى باسىمدىق – سيفرلىق تىركەۋ مەن پروسەستەردى اۆتوماتتاندىرۋعا بەرىلەدى. بۇل ازاماتتار ءۇشىن بۇرىن «ۇساق» سانالعان ارەكەتتەردىڭ ەندى الگوريتم ارقىلى تىركەلىپ، جاۋاپكەرشىلىككە جىلدام تارتىلۋىنا اكەپ سوعادى.