قازاقستاندا يپوتەكالىق مولشەرلەمە تومەندەي مە؟ – ۇلتتىق بانك ءتوراعاسى پىكىر ءبىلدىردى
قازاقستاندا يپوتەكالىق نەسيە الۋ قازاقستاندىقتاردىڭ ەڭ ۇلكەن قارجىلىق تۇيتكىلدەرىنىڭ ءبىرى بولىپ وتىر. ۇلتتىق بانك ءتوراعاسى تيمۋر سۇلەيمەنوۆ قازىرگى قولدانىستاعى يپوتەكا پايىزدارىن «تىم جوعارى» دەپ اتادى.
– «10، 15 نەمەسە 20 جىلعا بەرىلەتىن يپوتەكانىڭ 25 پايىزدىق مولشەرلەمەسى – وتە ۇلكەن جۇكتەمە. ماسەلەن، 10 جىلدىق نەسيە الساڭىز دا، ارتىق تولەم وراسان زور بولادى. مۇنداي اۋىرتپالىقتى ءار وتباسىنىڭ كوتەرە الۋى – ۇلكەن سۇراق»، – دەدى سۇلەيمەنوۆ.
ونىڭ ايتۋىنشا، جۋىردا يپوتەكا پايىزىن 25 پايىزدان 20 پايىزعا دەيىن تومەندەتۋ ماسەلەسى قارالعان. الايدا ناقتى شەشىم ازىرگە قابىلدانعان جوق.
– «مەنىڭ كەڭەسىم – ەگەر ءسىز شارتتارعا سايكەس كەلسەڭىز، مەملەكەتتىك باعدارلامالاردى پايدالانعان دۇرىس. ال باسقاسى ءۇشىن بازالىق مولشەرلەمەنىڭ تومەندەۋىن كۇتۋگە تۋرا كەلەدى. ويتكەنى نارىقتاعى يپوتەكالىق مولشەرلەمە سوعان تىكەلەي بايلانىستى»، – دەدى ۇلتتىق بانك ءتوراعاسى.
ءقازىر قازاقستاندىقتار يپوتەكا بويىنشا ەڭ جوعارى تولەمنىڭ الەمدىك دەڭگەيمەن سالىستىرعاندا الدەقايدا قىمبات ەكەنىن ءجيى سىنعا الىپ ءجۇر.
You Might Also Like
-
باس پروكۋراتۋرا لازەر نەمەسە درونمەن ۇشاقتىڭ جۇمىسىنا كەدەرگى كەلتىرگەندەر 10 جىلعا دەيىن سوتتالۋى مۇمكىن ەكەنىن ەسكەرتتى، دەپ حابارلايدى Infohub.kz.
-
قاراعاندىدا ءبۇلدىرشىن 12 ماگنيتتى شاريكتى جۇتىپ قويعان، دەپ حابارلايدى Infohub.kz.
