InfoHub Logo

قازاقستاندا مەملەكەتتىك الەۋمەتتىك ساقتاندىرۋ قورىنان (ءماسق) تولەنەتىن جاردەماقىلاردىڭ مولشەرى مەن بەرىلۋ ءتارتىبى وزگەرەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆ مالىمدەدى. ءمينيستردىڭ ايتۋىنشا، مۇنداي وزگەرىستەرگە قوردى الاياقتاردان قورعاۋ جانە زاڭسىز سحەمالاردى بولدىرماۋ ماقساتىندا قولعا الىنىپ وتىر.

بۇل تۋرالى Infohub.kz اقپارات اگەنتتىگى حابارلايدى.

جاردەماقى تولەۋدەگى «سۇر» سحەمالار

ءمينيستردىڭ ايتۋىنشا، كەيبىر ازاماتتار جۇمىستان شىققاننان كەيىن قىسقا مەرزىم ىشىندە جاردەماقى الۋعا ءوتىنىش بىلدىرەدى. مىسالى، ءبىر بۋحگالتەر ءبىر مەزگىلدە 10 كومپانيادا جۇمىس ىستەپ، بارىنەن بىردەي شىعىپ، جۇمىسسىزدار قاتارىنا قوسىلىپ، قوردان تولەم تالاپ ەتكەن. مۇنداي جاعدايلاردا تولەمدەر ونىڭ سوڭعى ورتاشا جالاقىسى ەسەپتەلىپ بەرىلۋى ءتيىس. الايدا، بۇل جۇيەنىڭ تيىمدىلىگىن ارتتىرۋ ءۇشىن تولەمدەردىڭ جوعارعى شەگى قايتا قاراستىرىلادى.

تولەم مەرزىمى قىسقارتىلادى

بۇعان دەيىن پاندەميا كەزىندە جۇمىسسىزدارعا بەرىلەتىن جاردەماقى 6 ايعا دەيىن سوزىلسا، ەندى بۇل مەرزىم 4 ايعا دەيىن قىسقارتىلادى. مينيستر بۇل شەشىمدى اسىرا سىلتەۋ مەن زاڭسىز تولەمدەردىڭ الدىن الۋ ءۇشىن قاجەت دەپ سانايدى. «كەيبىر ازاماتتار جۇمىستان شىققاننان كەيىن بىردەن جاردەماقى الۋعا ءوتىنىش بەرەدى. بۇل دۇرىس ەمەس. ءبىز بۇل جۇيەنى رەتكە كەلتىرەمىز»، - دەدى ەرتايەۆ.

1 ميلليون تەڭگەگە دەيىنگى تولەمدەر

اسقاربەك ەرتايەۆ كەيبىر جاعدايلاردا جۇمىسسىزدارعا 1 ميلليون تەڭگەگە دەيىن تولەم جاسالعانىن جوققا شىعارمادى. «ءبىز مۇنداي جاعدايلاردىڭ الدىن الامىز. تولەمدەردىڭ جوعارعى شەگى بەلگىلەنەدى. بارلىق زاڭدى تولەمدەر ازاماتتارعا مىندەتتى تۇردە بەرىلەدى»، - دەپ قوستى مينيستر.

بۇعان دەيىن قازاقستانداعى بالالارعا بەرىلەتىن جاردەماقىلار مەن تولەمدەر تۋرالى جازىلعان بولاتىن.