InfoHub Logo

1 ماۋسىمنان باستاپ قازاقستاندا جىلجىمايتىن مۇلىككە، اتاپ ايتقاندا، تەحنيكالىق جانە كاداسترلىق پاسپورتتاردى الۋ ءتارتىبى وزگەرەدى. بۇدان بىلاي بۇل قۇجاتتاردى تەك ونلاين فورماتتا، eGov.kz پورتالى نەمەسە eGov mobile قوسىمشاسى ارقىلى عانا راسىمدەۋگە مۇمكىندىك بولادى. بۇعان دەيىن ازاماتتار اتالعان قۇجاتتاردى الۋ ءۇشىن حالىققا قىزمەت كورسەتۋ ورتالىقتارىنا (حقو) بارۋعا مىندەتتى ەدى.

بۇل تۋرالى Infohub.kz اقپارات اگەنتتىگى حابارلايدى.

نە ءۇشىن بۇل قۇجاتتار قاجەت؟

تەحنيكالىق پاسپورت – جىلجىمايتىن مۇلىك نىسانىنىڭ نەگىزگى دەرەكتەرىن قامتيدى. وندا نىساننىڭ ورنالاسقان جەرى، اۋدانى، جوسپارى، ءتىپتى عيماراتتىڭ سالىنعان جىلى دا كورسەتىلەدى. ال كاداسترلىق پاسپورت – جىلجىمايتىن مۇلىكتىڭ سيپاتتامالارى مەن جەر ۋچاسكەسى تۋرالى مالىمەتتەردى قامتيتىن يدەنتيفيكاسيالىق قۇجات بولىپ تابىلادى. كاداسترلىق پاسپورت كەلەسى جاعدايلاردا رەسىمدەلەدى:

نەلىكتەن راسىمدەۋ ونلاين فورماتقا كوشىرىلدى؟

«ۇلتتىق اقپاراتتىق تەحنولوگيالار» اق (ۇات) مۇنى سيفرلىق قىزمەتتەردى كەڭىنەن پايدالانۋمەن بايلانىستىرادى. 2021 جىلى eGov.kz پورتالى ارقىلى قازاقستاندىقتار تەحنيكالىق پاسپورت پەن كاداسترلىق پاسپورتتىڭ دۋبليكاتىن الۋعا 100 مىڭعا جۋىق ءوتىنىش بەرگەن. بۇل بارلىق سۇرانىستىڭ 22 پايىزىن قۇرادى. ال 2025 جىلى بۇل كورسەتكىش ەكى ەسەگە جۋىق – 41 پايىزعا دەيىن وسكەن. بۇعان دەيىن تولەم جاساۋ جانە دايىن قۇجاتتى الۋ ءۇشىن ازاماتتار حقو-عا بارۋعا ءماجبۇر بولاتىن.

«مەملەكەتتىك قىزمەتتەردى ودان ءارى سيفرلاندىرۋ اياسىندا 2026 جىلعى 1 ماۋسىمنان باستاپ جىلجىمايتىن مۇلىك نىساندارىنىڭ تەحنيكالىق پاسپورتىن جانە كاداسترلىق پاسپورتتىڭ دۋبليكاتىن بەرۋگە وتىنىشتەردى حقو وپەراتورلارى ارقىلى قابىلداۋ توقتاتىلادى. قىزمەتتەر تەك ونلاين فورماتتا eGov.kz پورتالى جانە eGov mobile قوسىمشاسى ارقىلى كورسەتىلەتىن بولادى. ەندى پايدالانۋشىلارعا تەحنيكالىق پاسپورتتى الۋ ءۇشىن جەكە تولەم جاساپ، حقو-عا بارۋدىڭ قاجەتى جوق – بارلىق پروسەسس ەلەكتروندى تۇردە قولجەتىمدى، ال دايىن انىقتاما eGov.kz جەكە كابينەتىندە بولادى»، — دەپ ناقتىلادى ق ر سىرتقى ىستەر جانە ساندىق دامۋ ۆيسە-مينيسترى روستيسلاۆ كونياشكين.

قىزمەتتى ونلاين قالاي پايدالانۋعا بولادى؟

ول ءۇشىن كەلەسى قادامداردى ورىنداۋ قاجەت: