InfoHub Logo

1 ساۋىردەن باستاپ قازاقستاندا مەملەكەتتىك قىزمەتكە قابىلداۋدىڭ جاڭارتىلعان ءتارتىبى ەنگىزىلەدى. جاڭا جۇيە كونكۋرستىق راسىمدەردىڭ اشىقتىعى مەن تيىمدىلىگىن ارتتىرۋعا باعىتتالعان جانە ىرىكتەۋ پروسەسىن تولىعىمەن اۆتوماتتاندىرادى.

بۇل تۋرالى Infohub.kz اقپارات اگەنتتىگى حابارلايدى.

ونلاين وتىنىمدەر جانە قىسقارتىلعان مەرزىمدەر

كونكۋرسقا قاتىسۋ ءۇشىن ۇمىتكەرلەر eqyzmet.gov.kz پورتالى ارقىلى ونلاين ءوتىنىم بەرەدى. بۇل ءتاسىل ۋاقىتتى ۇنەمدەپ، مەملەكەتتىك قىزمەتكە ورنالاسۋدى بارىنشا قولجەتىمدى ەتەدى.

تەستىلەۋ جانە باعالاۋ جۇيەسى

ۇمىتكەرلەر الدىمەن زاڭنامانى بىلۋگە ارنالعان تەستتەن وتەدى. بۇعان كونستيتۋسيا، «مەملەكەتتىك قىزمەت تۋرالى»، «سىبايلاس جەمقورلىققا قارسى ءىس-قيمىل تۋرالى» زاڭدار جانە ادەپ كودەكسى كىرەدى. تەست 55 سۇراقتان تۇرادى، ونىڭ كەمىندە 30-ىن دۇرىس جاۋاپتاپ، ءار نورماتيۆتىك اكت بويىنشا كەمىندە 5 دۇرىس جاۋاپ الۋ قاجەت.

سونىمەن قاتار، ۇمىتكەرلەردىڭ جەكە قاسيەتتەرىن باعالاۋ جۇرگىزىلەدى. بۇل باعالاۋ:

تەستىلەۋ ناتيجەلەرى ءبىر جىلعا جارامدى. ۇمىتكەرلەر جەكە قاسيەتتەردى باعالاۋ تەستىن ايىنا ءۇش رەت تاپسىرا الادى. ەڭ جوعارى بالل جيناعان توپ-5 ۇمىتكەر كونكۋرسقا جىبەرىلەدى.

ەسسە جانە سۇحبات

باسشىلىق لاۋازىمدارعا ۇمىتكەرلەر ەسسە جازىپ، بەينەبايلانىس ارقىلى سۇحباتتان وتەدى. باسقا لاۋازىمدارعا ۇمىتكەرلەر پراكتيكالىق تاپسىرمالاردى ورىندايدى (تالداۋ جازباسىن، رەسمي حاتتى دايىنداۋ، وتىنىشتەردى قاراۋ).

جالپى كونكۋرس جانە مەرزىمدەر

بارلىق ناتيجەلەردى جۇيە اۆتوماتتى تۇردە ەسەپتەيدى. ەڭ كوپ بالل جيناعان ۇمىتكەر جەڭىمپاز بولىپ تانىلادى. بالى تەڭ بولعان جاعدايدا ەڭبەك ءوتىلى مەن ءبىلىمى ەسكەرىلەدى.

كونكۋرستىق راسىمدەردىڭ مەرزىمى ايتارلىقتاي قىسقارتىلىپ، ورتا ەسەپپەن 5-7 جۇمىس كۇنىن قۇرايدى (بۇرىن – 23-30 كۇن).

جاڭارتىلعان جۇيە مەملەكەتتىك قىزمەتكە كىرۋ پروسەسىن جەڭىلدەتىپ، ونىڭ اشىقتىعى مەن ادىلدىگىن قامتاماسىز ەتەدى دەپ سانالادى.