f.azh.kz
قازاقستاندا مۇناي تاپشىلىعىنان مۇناي وڭدەۋ زاۋىتىنىڭ قۇرىلىسى توقتادى
ۇلىتاۋ وبلىسىندا جىلىنا 1 ميلليون تونناعا دەيىن مۇناي ونىمدەرىن وڭدەۋگە ارنالعان مۇناي وڭدەۋ زاۋىتىن سالۋ جوباسى ينۆەستور تاپشىلىعىنان توقتاپ قالدى. بۇل تۋرالى lsm.kz حابارلادى.
بۇعان دەيىن جوبانى قىتايلىق Zhong Mao Group جانە CITIC Construction كومپانيالارىمەن بىرگە پىسىقتاۋ جۇمىستارى جۇرگىزىلگەن بولاتىن. سول كەزدە ينۆەستورلار بولاشاق كاسىپورىندى تۇراقتى ەنەرگيامەن قامتاماسىز ەتۋ ءۇشىن جەكە جىلۋ ەلەكتر ورتالىعىن سالۋ مۇمكىندىگىن قاراستىرعان ەدى.
الايدا، مۇناي وڭدەۋ زاۋىتىن ىسكە قوسۋدىڭ نەگىزگى شارتى قازاقستان رەسپۋبليكاسى ەنەرگەتيكا مينيسترلىگىمەن جىلىنا 1 ميلليون توننا مۇناي ءبولۋ تۋرالى كەلىسىم بولدى. مينيسترلىكتىڭ مالىمەتىنشە، قازىرگى ۋاقىتتا مۇناي تاپشىلىعىنا بايلانىستى بۇل كولەمدە شيكىزاتپەن قامتاماسىز ەتۋ مۇمكىن ەمەس.
وسىعان وراي، شەتەلدىك كومپانيالار جوبانى جۇزەگە اسىرۋدان باس تارتتى. اكىمدىك جاڭا ينۆەستورلاردى تارتۋ جانە بالاما شيكىزات كوزدەرىن ىزدەۋ جۇمىستارى جالعاسىپ جاتقانىن اتاپ ءوتتى.
جوبانىڭ جالپى قۇنى جانە الەۋەتى
جوبانىڭ جالپى قۇنى 480 ميلليارد تەڭگەگە باعالانعان. مۇناي وڭدەۋ زاۋىتى ىسكە قوسىلسا، شامامەن 300 جۇمىس ورنى اشىلادى دەپ جوسپارلانعان. كاسىپورىندا بەنزين، ديزەل وتىنى، اۆياكەروسين، مازۋت، مۇناي كوكسى جانە بيتۋم وندىرىلەدى دەپ كوزدەلگەن.
زاۋىت قۇرىلىسى وبلىستى دامىتۋدىڭ 2022–2026 جىلدارعا ارنالعان كەشەندى جوسپارىنا ەنگىزىلگەن.
-
الماتىدا 2026 جىلدان باستاپ اۆتوكولىكتەردىڭ قورشاعان ورتاعا زياندى شىعارىندىلارى ازايتىلعان ايماقتار (LEZ) قۇرۋ بويىنشا پيلوتتىق جوبا ىسكە قوسىلادى. بۇل شارا قالا اۋاسىنىڭ ساپاسىن جاقسارتۋعا باعىتتالعان.
-
ۆ سوسيالنىح سەتياح راسپروسترانياەتسيا ينفورماسيا و ەدينوۆرەمەننوي ۆىپلاتە ۆ رازمەرە 432 500 تەنگە. مينيستەرستۆو ترۋدا ي سوسيالنوي زاششيتى ناسەلەنيا كازاحستانا وپروۆەرگلو ەتي سۆەدەنيا، نازۆاۆ يح فەيكوم.
