tengrinews.kz
قازاقستاندا پايىزسىز يپوتەكا ەنگىزۋ جولدارى قاراستىرىلۋدا
قازاقستاندا پايىزسىز، ياعني يسلام قاعيداتتارىنا ساي يپوتەكالىق باعدارلامانى ىسكە قوسۋ مۇمكىندىگى قاراستىرىلۋدا. بۇل تۋرالى «بايتەرەك» ۇلتتىق باسقارۋشى حولدينگىنىڭ باسقارما ءتوراعاسى رۋستام قاراعويشين مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
حالىق سۇرانىسى جانە حالىقارالىق سەرىكتەستىك
رۋستام قاراگويشيننىڭ ايتۋىنشا، ازاماتتار تاراپىنان مۇنداي قارجىلىق شەشىمدەرگە دەگەن سۇرانىس بار. وسىعان بايلانىستى، «وتباسى بانكى» ارقىلى يسلام يپوتەكاسىن ەنگىزۋ جولدارى حالىقارالىق ينستيتۋتتارمەن بىرلەسىپ زەرتدەلۋدە. «ءبىزدىڭ قۇرىلىمداعى «وتباسى بانكى» حالىقپەن تىكەلەي جۇمىس ىستەيتىن بىردەن-بىر ۇيىم. حالىقتىڭ بەلگىلى ءبىر بولىگى ءدىني قاعيداتتاردى ۇستاناتىنى بەلگىلى. سوندىقتان مۇنداي وتىنىشتەر ءتۇسىپ جاتىر. بۇل ماسەلە بويىنشا جۇمىستار جۇرگىزىلۋدە. ناقتى مەرزىمدەر ازىرگە بەلگىسىز، ءبىراق بۇل باعىتتا بىرنەشە حالىقارالىق ينستيتۋتتارمەن مەموراندۋمدارعا قول قويىلدى»، - دەدى قاراعويشين.
يسلام يپوتەكاسى دەگەن نە؟
يسلام يپوتەكاسى – بۇل شاريعات نورمالارىنا سايكەس كەلەتىن تۇرعىن ءۇي ساتىپ الۋ ءتاسىلى. ول كلاسسيكالىق نەسيەلەردەگىدەي پايىزدىق مولشەرلەمەلەردى قولدانۋعا تىيىم سالادى. ونىڭ ورنىنا، بانك جىلجىمايتىن مۇلىكتى ءوزى ساتىپ الىپ، كليەنتكە بەلگىلى ءبىر ۇستەمەاقىمەن ءبولىپ تولەۋگە بەرەدى نەمەسە كليەنتپەن بىرلەسىپ مەنشىككە يە بولىپ، كەيىننەن ۇلەسىن بىرتىندەپ كليەنتكە اۋدارادى. باستى قاعيداتى – پايىزداردىڭ بولماۋى، مامىلە شارتتارىنىڭ اشىقتىعى جانە تاراپتار اراسىنداعى تاۋەكەلدەردى ءبولۋ.
«وتباسى بانكىنىڭ» جۇيەسى جانە بولاشاق
«بايتەرەك» حولدينگىنىڭ باسشىسى بۇل مەحانيزم ازىرگە زەرتتەۋ ساتىسىندا ەكەنىن اتاپ ءوتتى. «ءقازىر تەك زەرتتەپ جاتىرمىز. «وتباسى بانكى» ءبىزدىڭ ازاماتتارعا قالاي مۇنداي شەشىم ۇسىنا الاتىنىن انىقتاپ جاتىرمىز. بۇل ءالى دە پىسىقتالۋ ۇستىندە»، - دەپ تولىقتىردى ول.
قاراعويشين يسلام يپوتەكاسىنىڭ ناقتى مەرزىمدەرى تۋرالى ايتۋ ءالى ەرتە ەكەنىن قايتالادى. سەبەبى، بانكتەگى قولدانىستاعى مودەل جيناقتاۋ جۇيەسىنە نەگىزدەلگەن. «ءبىز بۇل قىزمەتتى اشامىز دەپ ايتا المايمىز، ويتكەنى «وتباسى بانكىنىڭ» نەگىزگى جۇيەسى مەملەكەتتىك باعدارلامالاردان بولەك، جيناقتاۋ جۇيەسى بولىپ تابىلادى. يسلام يپوتەكاسى جيناقتاۋ جۇيەسىنەن ءسال وزگەشەلەنەدى. ءبىزدىڭ جيناقتاۋ جۇيەمىز نەمىس ۇلگىسىنە ۇقساس. سوندىقتان ءبىز الدىمەن زەرتتەپ، سودان كەيىن شەشىم قابىلدايمىز»، - دەپ قورىتىندىلادى حولدينگ باسشىسى.
-
ناۋرىز ايىندا استانادا اۋا رايى كۇرت وزگەرەدى: الدىمەن اياز، سودان كەيىن جىلىمىق بولادى، ءبىراق قار مەن جەل دە كۇتىلۋدە.
-
Kazakhstan is investigating the possibility of introducing Islamic mortgages، offering an interest-free home financing option aligned with Sharia principles.
