قازاقستاندا پاتەر ساتۋ قيىن ءارى قىمبات بولادى: جاڭا ەرەجە كىمگە اسەر ەتەدى؟
قازاقستاندا پاتەر ساتۋ قيىن ءارى قىمبات بولادى: جاڭا ەرەجە كىمگە اسەر ەتەدى؟
قازاقستاندا جىلجىمايتىن مۇلىك ساتۋ ەرەجەلەرى وزگەرەدى. ساراپشىلاردىڭ ايتۋىنشا، بۇل وزگەرىستەر باسپانانى ساتۋ پروسەسىن قيىنداتىپ قانا قويماي، نارىقتاعى باعالارعا دا ىقپال ەتۋى مۇمكىن.
نەگىزگى ەكى وزگەرىس:
🔹 مەنشىك مەرزىمى ۇزارادى. ءقازىر ءۇيدى، پاتەردى نەمەسە جەر تەلىمىن 1 جىلدان كەيىن ساتقان جاعدايدا تابىس سالىعى تولەنبەيدى. الايدا 2026 جىلدان باستاپ بۇل مەرزىم 2 جىلعا ۇزارادى. ياعني، مۇلىكتى ەكى جىلدان ەرتە ساتقان ادام تابىسىنىڭ ءبىر بولىگىن سالىققا بەرۋگە ءماجبۇر بولادى.
🔹 سالىق مولشەرلەمەسى كوتەرىلەدى. ءقازىر جىلجىمايتىن مۇلىكتى 1 جىلدان از يەلەنگەن ساتۋشىلار 10% تابىس سالىعىن تولەيدى. جاڭا ەرەجە بويىنشا، قۇنى 8 500 اەك-تەن (بۇگىنگى باعامەن شامامەن 33 ملن تەڭگەدەن استام) قىمبات نىساندار ءۇشىن بۇل كورسەتكىش 15%-عا دەيىن كوتەرىلەدى. قالعان جاعدايلاردا بۇرىنعى 10% مولشەرلەمە ساقتالادى.
ساراپشىلاردىڭ پىكىرىنشە، بۇل تالاپتار ينۆەستيسيالىق ماقساتتا پاتەر الىپ-ساتاتىن ادامداردىڭ بەلسەندىلىگىن تومەندەتەدى. سونىمەن قاتار، ساتۋ-ساتىپ الۋ نارىعى باياۋلاۋى مۇمكىن.
جاڭا ەرەجەلەر 2026 جىلدىڭ 1 قاڭتارىنان باستاپ كۇشىنە ەنەدى، سوندىقتان جىلجىمايتىن مۇلىك يەلەرى الدىن الا ارەكەت ەتكەنى ءجون.
You Might Also Like
-
رەسەيدە دەموگرافيالىق قۇلدىراۋ كۇشەيىپ وتىر. وسىعان بايلانىستى ماسكەۋ تمد ەلدەرىندە تۇراتىن ەتنيكالىق ورىستاردى ەلگە كوشىرۋ باعدارلاماسىن قايتا جانداندىرۋعا مۇددەلى.
-
الماتىدا دەنيس تەن اتىنداعى كوشە اشىلۋى مۇمكىن،- دەپ حابارلايدى ينفوحاب ءتىلشىسى.
