Photo: Ayazhan (https://www.pexels.com/@ayazhan-3173683) / Pexels
قازاقستاندا پەداگوگتەردىڭ سانى كوبەيىپ كەتتى: سەبەبى – جوعارى جالاقى
قازاقستاندا پەداگوگ ماماندىعىنا دەگەن قىزىعۋشىلىقتىڭ ارتۋى مەن ولاردىڭ سانىنىڭ شامادان تىس كوبەيۋىنە جوعارى جالاقى سەبەپ بولىپ وتىر. بۇل تۋرالى پارلامەنت ءماجىلىسىنىڭ دەپۋتاتى سەرگەي پونوماريەۆ مالىمدەدى. ونىڭ ايتۋىنشا، بۇل جاعداي پەداگوگتەردى دايارلاۋ جۇيەسىندە جانە ولاردىڭ جۇمىسقا ورنالاسۋىندا ەلەۋلى پروبلەمالار تۋىنداتقان.
بۇل تۋرالى Infohub.kz اقپارات اگەنتتىگى حابارلايدى.
پەداگوگتەردىڭ جۇمىسسىزدىعى ارتتى
سەرگەي پونوماريەۆتىڭ دەرەگىنشە، 2024 جىلدىڭ 1 قاراشاسىنداعى جاعداي بويىنشا 35 مىڭنان استام پەداگوگ رەسمي تۇردە جۇمىسسىز رەتىندە تىركەلگەن. تاعى 17،5 مىڭ مامان ءوز سالاسىنان تىس جەرلەردە جۇمىس ىستەسە، 60 مىڭعا جۋىق پەداگوگتىڭ جۇمىس ىستەيتىن جەرى مەن سالاسى تۋرالى اقپارات جوق. دەپۋتات بۇل كورسەتكىشتىڭ سوڭعى جىلدارى ۇنەمى تومەندەپ كەلە جاتقانىن اتاپ ءوتتى. ول جوعارى وقۋ ورىندارى نارىقتاعى سۇرانىستى ەسكەرمەستەن، مامانداردى دايارلاپ جاتقانىن سىنعا الدى.
ءمينيستردىڭ جاۋابى: جالاقى وسكەن، ءبىراق باعدارلامالار ەسكىرگەن
عىلىم جانە جوعارى ءبىلىم ءمينيسترى ساياسات نۇربەك بۇل ماسەلەنى مويىنداپ، ونىڭ نەگىزگى سەبەبى – پەداگوگ ماماندىقتارى بويىنشا جالاقىنىڭ ءوسۋى ەكەنىن ايتتى. ءمينيستردىڭ سوزىنشە، سۇرانىس ارتقانىمەن، ءبىلىم بەرۋ باعدارلامالارى ساپالى جاڭارتىلماعان.
«بىزدە بەس بەيىندىك جوعارى وقۋ ورنى بار، شامامەن 52 ۋنيۆەرسيتەتتىڭ پەداگوگتەر دايارلاۋعا ليسەنزياسى بار. ولاردىڭ 40-تان استامىندا ءوز كافەدرالارى بار. مىنە، وسىندا پروبلەما تۋىندايدى»، – دەدى مينيستر.
ساياسات نۇربەك مينيسترلىك بىرنەشە جىلدان بەرى پەداگوگتىك باعدارلامالاردىڭ مازمۇنىن قايتا قاراپ جاتقانىن جانە ءقازىردىڭ وزىندە فينليانديا ۋنيۆەرسيتەتتەرىمەن قوسا، حالىقارالىق سەرىكتەستەردىڭ قاتىسۋىمەن جاڭا وقۋ جوسپارلارى ازىرلەنىپ، بىرتىندەپ ەنگىزىلىپ جاتقانىن حابارلادى.
قابىلداۋ تالاپتارى قاتايا تۇسپەك
سونىمەن قاتار، مينيسترلىك بولاشاق پەداگوگتەردى ىرىكتەۋدى قاتايتۋدى جوسپارلاپ وتىر. كەلەسى جىلدان باستاپ پەداگوگيكالىق ماماندىقتارعا ەكى كەزەڭدى قابىلداۋ باستالادى. بۇل تالاپتاردى كۇردەلەندىرىپ، ۇبت ورتاشا بالىن ارتتىرۋدى كوزدەيدى.
«پەداگوگيكالىق ۋنيۆەرسيتەتتەردىڭ، ماماندىقتارى بار ۋنيۆەرسيتەتتەردىڭ اتتەستاسيا ستاندارتتارى تولىعىمەن قايتا قاراستىرىلدى. بىردەن-بىر جول – ساپانى قاتايتۋ جانە قابىلداۋ كەزىندە قوسىمشا سۇزگىلەر قويۋ»، – دەدى ساياسات نۇربەك.
ءمينيستردىڭ ايتۋىنشا، قازىرگى تاڭدا باستى نازار ساپانى ارتتىرۋعا باعىتتالعان – بۇل قابىلداۋ كەزىندە دە، وقۋ پروسەسىندە دە قولدانىلادى.
-
ناسيونالنايا ۆاليۋتا كازاحستانا دەمونستريرۋەت ۋكرەپلەنيە، دوستيگنۋۆ مينيمالنىح زناچەنيي پو وتنوشەنيۋ ك دوللارۋ س ناچالا لەتا.
-
دۆا ۆەدۋششيح كازاحستانسكيح دزيۋدويستا، چەمپيون وليمپيادى ەلدوس سمەتوۆ ي پريزەر چەمپيوناتا ميرا ابيبا ابىجاكىنوۆا، نە ۆىستۋپيات نا دوماشنەم تۋرنيرە Grand Slam ۆ استانە.
