tengrinews.kz
قازاقستاندا پوليسيا مەن ارميانىڭ قاتىسۋىمەن اۋقىمدى وپەراسيا باستالدى
قازاقستاندا ەسىرتكى زاتتارىنىڭ زاڭسىز اينالىمىنا قارسى اۋقىمدى وپەراسيا باستالدى. «قاراسورا-2026» دەپ اتالاتىن بۇل شاراعا پوليسيا، ۇلتتىق ۇلان، قورعانىس مينيسترلىگى جانە جەرگىلىكتى اتقارۋشى ورگانداردىڭ وكىلدەرى قاتىسۋدا.
بۇل تۋرالى Infohub.kz اقپارات اگەنتتىگى حابارلايدى.
وپەراسيانىڭ نەگىزگى ماقساتى – ەسىرتكى وسىمدىكتەرىنىڭ زاڭسىز ەگىلۋىن انىقتاپ، جويۋ، سونداي-اق ولاردى دايىنداۋ، تاسىمالداۋ جانە ساتۋمەن اينالىساتىن قىلمىستىق توپتاردىڭ ارەكەتتەرىن توقتاتۋ. سينتەتيكالىق ەسىرتكى ءوندىرىسىن دە جويۋعا باسا نازار اۋدارىلادى.
«قاراسورا-2026» وپەراسياسىنىڭ مىندەتتەرى
ىشكى ىستەر مينيسترلىگىندە وتكەن وپەراسيانىڭ اشىلۋىندا قۇقىق قورعاۋ ورگاندارىنا ەسىرتكى وسىمدىكتەرىن زاڭسىز ءوسىرۋ ورىندارىن، ەسىرتكى ساقتالاتىن جەرلەردى انىقتاپ، سينتەتيكالىق ەسىرتكى ءوندىرىسىن توقتاتۋ تۋرالى ناقتى تاپسىرمالار بەرىلدى.
وپەراسيا بارىسىندا پوليسيا قىزمەتكەرلەرى مەن اسكەرلەر اۋىل شارۋاشىلىعى القاپتارىن تەكسەرىپ، اۋماقتاردى زەرتتەيدى. زاماناۋي سيفرلىق تەحنولوگيالار مەن اۋە مونيتورينگى قولدانىلادى. ەسىرتكى وسىمدىكتەرىن زاڭسىز وسىرگەنى، دايىنداعانى، ساقتاعانى، تاسىمالداعانى نەمەسە ساتقانى ءۇشىن قىلمىستىق جاۋاپكەرشىلىك قاراستىرىلعانى ەسكە سالىندى.
-
يزۆەستنىي امەريكانسكيي اكتەر دجەيمس حەندي سكونچالسيا ۆ لوس-اندجەلەسە وت نوجيەۆىح رانەنيي، پولۋچەننىح ۆ رەزۋلتاتە ناپادەنيا.
-
بلوگەر ءتاۋىرجاننىڭ اناسى ءلاززات بايىربەكوۆا ۇلىنىڭ 84 ميلليون تەڭگەگە جۋىق قارىزعا باتقانىن، ونىڭ كەسىرىنەن ەكى پاتەرىن ساتقانىن ايتىپ بەردى.
