InfoHub Logo

استانادا 1 مامىردا ءوتۋى ءتيىس بولعان تانىمال رەسەيلىك باپكەر ەتەري تۋتبەريدزە ۇيىمداستىرعان «چەمپيوندار مۇزدا» اتتى مۇز ايدىنىنداعى شوۋ بولماي قالدى. بۇل تۋرالى Ulysmedia.kz حابارلادى.

بۇل تۋرالى Infohub.kz اقپارات اگەنتتىگى حابارلايدى.

شوۋدا وليمپيادا چەمپيونى الينا زاگيتوۆا، ەۆگەنيا مەدۆەديەۆا، الەكساندرا ترۋسوۆا، ادەليا پەتروسيان، پەتر گۋمەننيك جانە قازاقستاندىق سپورتشى ەليزابەت تۇرسىنبايەۆا سىندى تانىمال مانەرلەپ سىرعاناۋشىلار ونەر كورسەتۋى كەرەك ەدى.

شوۋدىڭ سەبەپسىز توقتاتىلۋى

ۇيىمداستىرۋشىلاردىڭ ايتۋىنشا، شوۋعا دايىندىق جۇمىستارى بۇعان دەيىن باستالىپ كەتكەن. «بارىس ارەنا» مۇز ايدىنىمەن 2025 جىلدىڭ تامىز ايىندا كەلىسىمشارت جاسالىپ، كۇزدە مەملەكەتتىك ورگانداردان رەسمي رۇقسات تا الىنعان.

الايدا، قىسقى وليمپيادا ويىندارى اياقتالعاننان كەيىن ارەنا وكىلدەرى كەنەتتەن كەلىسىمشارتتى بۇزىپ تاستاعان. نە سەبەپتى بۇل شەشىم قابىلدانعانى تۋرالى ۇيىمداستىرۋشىلارعا ەشقانداي تۇسىنىكتەمە بەرىلمەگەن.

تۋتبەريدزە وليمپيادادا جۇمىس ىستەدى

اقپاراتقا سۇيەنسەك، ەتەري تۋتبەريدزە بيىل اقپان ايىندا يتاليادا وتكەن قىسقى وليمپيادا ويىندارىندا جۇمىس ىستەگەن. ونىڭ شاكىرتى ادەليا پەتروسيان جارىستا بەيتاراپ تۋدىڭ استىندا ونەر كورسەتكەن.

باپكەردىڭ ءوزى وليمپيادادا گرۋزيا قۇراماسىنىڭ اتىنان قاتىسقان. كەيىن ناۋرىز ايىندا گرۋزيانىڭ مەملەكەتتىك وردەنىمەن ماراپاتتالعان.

سونىمەن قاتار، ۋكرايناداعى سوعىس باستالعاننان كەيىن تۋتبەريدزەنىڭ الەۋمەتتىك جەلىدەگى پاراقشالارىنان رەسەي تۋى مەن ۆلاديمير ءپۋتيننىڭ سۋرەتتەرىنىڭ جوعالىپ كەتكەنى تۋرالى باق-تا ايتىلعان بولاتىن. باپكەر مۇنى اككاۋنتىنىڭ بۇزىلۋىمەن بايلانىستىرعان.