InfoHub Logo

قازاقستاندا اۆتوكولىكتەردى مىندەتتى تەحنيكالىق بايقاۋدان وتكىزۋ ەرەجەلەرى قاتاڭداتىلدى. كولىك ءمينيسترىنىڭ بۇيرىعىمەن ەنگىزىلگەن وزگەرىستەرگە سايكەس، تەحوسموتر ستانسيالارىنا قويىلاتىن تالاپتار كۇشەيتىلىپ، جۇيەگە قوسىلۋ ءتارتىبى وزگەردى.

بۇل تۋرالى Infohub.kz اقپارات اگەنتتىگى حابارلايدى.

جۇيەگە قوسىلۋ تالاپتارى وزگەردى

ەندى تەحوسموتر ستانسيالارى دياگنوستيكالىق كارتالاردى راسىمدەيتىن ءبىرىڭعاي اقپاراتتىق جۇيەمەن (باج) جۇمىس ىستەۋ ءۇشىن ونىڭ وپەراتورىمەن رەسمي كەلىسىمشارت جاساسۋى كەرەك. بۇل جۇيەگە قوسىلۋدىڭ نەگىزگى شارتى بولىپ سانالادى.

سونىمەن قاتار، جۇيەگە اۆتوماتتى تەكسەرۋلەر ەنگىزىلدى. ەگەر كولىك قۇرالى تۋرالى مالىمەتتەر زاڭدى دەپ تانىلماسا، دياگنوستيكالىق كارتانى راسىمدەۋ مۇمكىن بولمايدى، جۇيە ءوزى باس تارتۋ تۋرالى حابارلاما جىبەرەدى.

جالعان تەحوسموتر انىقتالادى

ماڭىزدى جاڭالىقتاردىڭ ءبىرى – كولىكتى ناقتى تەكسەرمەي، جالعان تەحوسموتر كارتالارىن راسىمدەۋ جاعدايلارىن اۆتوماتتى تۇردە انىقتاۋ. بۇل جۇيەنىڭ بۇرمالانۋىن بولدىرماۋعا باعىتتالعان شارا.

جۇيەدەن شىعارۋ سەبەپتەرى

جاڭا ەرەجەلەردە تەحوسموتر پۋنكتتەرىنىڭ باج قىزمەتىن توقتاتۋىنا بولاتىن ناقتى نەگىزدەر دە كورسەتىلگەن. ولار:

بۇزۋشىلىقتار انىقتالعاننان كەيىن جۇيەگە كىرۋ مۇمكىندىگى شەكتەلەدى. ونى تەك بارلىق ماسەلەلەر شەشىلىپ، باج وپەراتورى راستاعاننان كەيىن عانا قالپىنا كەلتىرۋگە بولادى.

بۇل نە بىلدىرەدى؟

ساراپشى ميحايل بۋديانسكييدىڭ ايتۋىنشا، بۇل وزگەرىستەر نارىقتى ايتارلىقتاي قاتايتىپ، تارتىپكە كەلتىرەدى. بۇرىنعىداي تەك حابارلاما بەرۋ جەتكىلىكسىز، ەندى كاسىپكەرلەر قىزمەتىن باستاۋ ءۇشىن رۇقسات الۋى كەرەك. ينسپەكتورلار ستانسيالاردى ۆيزۋالدى جانە قۇجاتتىق تەكسەرۋدەن وتكىزەدى.

بۇل پروسەدۋرا نارىقتاعى «سۇر» ستانسيالاردى جويۋعا باعىتتالعان. مىسالى، الماتىدا بۇرىن 172 تەحوسموتر ستانسياسى بولسا، ءقازىر ولاردىڭ سانى 56-عا دەيىن ازايعان، ونىڭ 70 پايىزى جۇمىسىن دۇرىس اتقارۋدا.

جۇرگىزۋشىلەرگە قانداي اسەر ەتەدى؟

ساراپشىنىڭ پىكىرىنشە، تەحوسمورت باعاسى ءوسۋى مۇمكىن. قازىرگى 5000 تەڭگەمەن جابدىقتالعان ستانسيانى ۇستاۋ قيىنعا سوعادى. شىنايى باعا 16 مىڭ تەڭگەدەن كەم بولماۋى كەرەك دەپ ەسەپتەيدى ول.

دەگەنمەن، بۇل جاعداي تەحوسموتردىڭ ناعىز دياگنوستيكاعا اينالۋىنا جول اشادى. بۇل جۇرگىزۋشىلەر تاراپىنان نارازىلىق تۋدىرۋى مۇمكىن، سەبەبى ەرەجەلەر قاتاڭداپ، تەكسەرۋلەر شىنايى سيپات الادى.

بولاشاقتا نە كۇتىپ تۇر؟

جالپى، بۇل وزگەرىستەر نارىقتىڭ وزگەرۋىنە اكەلەدى. ستانسيالاردىڭ ازايۋىنا بايلانىستى كەزەكتەن كۇتۋگە تۋرا كەلۋى مۇمكىن، ءبىراق بۇل سالاۋاتتى بيزنەس پەن ساپالى دياگنوستيكانىڭ ورنىعۋىنا جول اشادى. جۇرگىزۋشىلەر جاڭا جاعدايلارعا بەيىمدەلۋگە ءماجبۇر بولادى.