tengrinews.kz
قازاقستاندا «ۆياگرانىڭ» انالوگى ساتىلىمنان الىنىپ، قولدانىسقا تىيىم سالىندى
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديسينالىق جانە فارماسيەۆتيكالىق باقىلاۋ كوميتەتى «دەسيلماكس» پرەپاراتىن اينالىمنان شىعارۋ تۋرالى بۇيرىق شىعاردى. بۇل پرەپارات ەرەكتيلدى ديسفۋنكسيانى ەمدەۋگە ارنالعان.
اتالعان شەشىمگە 100 مگ «دەسيلماكس» (بەلسەندى زاتى – سيلدەنافيل) تابلەتكالارىنىڭ BSE92301A سەرياسى، جارامدىلىق مەرزىمى 2026 جىلدىڭ شىلدەسىنە دەيىن جاتادى. پرەپاراتتى ءۇندىستاننىڭ Macleods Pharmaceuticals Limited كومپانياسى شىعارعان.
انىقتاما: سيلدەنافيل (Viagra) – 1989 جىلى Pfizer كومپانياسى اشقان جانە سينتەزدەگەن بەلسەندى زات. باستاپقىدا جۇرەك-قان تامىرلارى اۋرۋلارىن ەمدەۋ قۇرالى رەتىندە زەرتتەلگەنىمەن، كلينيكالىق سىناقتار ەرلەردەگى ەرەكتيلدى ديسفۋنكسيانى ەمدەۋدە تيىمدىلىگىن كورسەتتى. 1998 جىلى سيلدەنافيل Viagra ساۋدا اتاۋىمەن مەديسينالىق قولدانىسقا بەكىتىلدى.
بۇل تۋرالى Infohub.kz اقپارات اگەنتتىگى حابارلايدى.
بۇيرىققا 2026 جىلعى 11 اقپاندا مەديسينالىق جانە فارماسيەۆتيكالىق باقىلاۋ كوميتەتىنىڭ ءتوراعاسى قول قويعان. قۇجاتقا سايكەس، اتالعان سەرياداعى پرەپاراتتى ءدارىحانالار مەن مەديسينالىق مەكەمەلەردەن الىپ تاستاۋ قاجەت.
پرەپاراتتى تىيىم سالۋدىڭ ناقتى سەبەپتەرى بۇيرىقتا كورسەتىلمەگەن.
-
Renowned TV host Lyailya Sultanqyzy sparked a lively debate online، asking followers to identify the most hurtful word in the Kazakh language.
-
الماتىداعى «الاتاۋ جارىق كومپانياسى» (اجك) ەلەكتر ەنەرگياسىن جەتكىزۋدەگى پروبلەمالار مەن ميللياردتاعان تەڭگە جۇمساۋدىڭ اشىقتىعىنا قاتىستى قوعام بەلسەندىلەرىنىڭ سىنىنا ىلىكتى. ينۆەستيسيالىق باعدارلامالار، «اقىلدى» ەسەپتەگىشتەر جانە پودستانسيالاردى جوندەۋ جۇمىستارىنىڭ جاي-جاپسارىن Orda.kz زەرتتەدى.
