gov.kz
قازاقستانداعى اقىلى جولداردا تولەم جاساۋ ەرەجەلەرى وزگەردى
قازاقستاندا اقىلى تاس جولداردا ءجۇرۋ اقىسىن تولەۋ تارتىبىنە قاتىستى جاڭا ەرەجەلەر بەكىتىلدى. كولىك مينيسترلىگى ەنگىزگەن وزگەرىستەر جۇرگىزۋشىلەرگە، اسىرەسە جەكە تۇلعالارعا جەڭىلدىكتەر اكەلەدى.
بۇل تۋرالى Infohub.kz اقپارات اگەنتتىگى حابارلايدى.
جەكە تۇلعالارعا جەڭىلدىك
ەندى كولىك يەلەرى اقىلى جولمەن جۇرگەنى ءۇشىن تولەمدى 30 كۇنتىزبەلىك كۇن ىشىندە جاساۋعا مۇمكىندىك الادى. بۇرىن بۇل مەرزىم 7 كۇن بولعان. ەگەر جۇرگىزۋشى بەلگىلەنگەن ۋاقىتتا اقى تولەمەسە، 31ء-شى كۇنى ماتەريالدار كولىك باقىلاۋ ورگاندارىنا جىبەرىلەدى.
زاڭدى تۇلعالارعا ارنالعان جاڭا تالاپتار
العاش رەت جەكە جانە زاڭدى تۇلعالار ءۇشىن تولەم ەرەجەلەرى بولەك قاراستىرىلدى. كومپانيالار ءۇشىن تولەم مەرزىمى ەسەپتى ايدان كەيىنگى ايدىڭ 20-سىنا دەيىن بەلگىلەندى. بۇل تالاپتى ورىنداماعان جاعدايدا، ماتەريالدار كەلەسى كۇنى كولىك باقىلاۋ ورگاندارىنا جىبەرىلەدى.
ەرەجەلەر قاشان كۇشىنە ەنەدى؟
جاڭا ەرەجەلەر اقىلى رەسپۋبليكالىق ماڭىزى بار جولداردى پايدالانۋشىلار ءۇشىن ىڭعايلىلىقتى ارتتىرۋعا جانە ايىپپۇل سانىن ازايتۋعا باعىتتالعان. بۇيرىق العاشقى رەسمي جاريالانعاننان كەيىن 10 كۇنتىزبەلىك كۇن وتكەن سوڭ كۇشىنە ەنەدى.
ايتا كەتەيىك، بۇعان دەيىن كولىك ءمينيسترى نۇرلان ساۋرانبايەۆ بيىل اقىلى جولداردان 100 ميلليارد تەڭگە جيناۋ جوسپارلانعانىن حابارلاعان بولاتىن. وتكەن جىلى بۇل كورسەتكىش 80 ميلليارد تەڭگەنى قۇراعان.
-
Travelers on the Nurly Zhol-Semey route can now enjoy modern amenities as older trains are replaced with upgraded carriages featuring enhanced comfort and accessibility.
-
رەسەي قازاقستانعا الاياقتىق جاسادى دەگەن كۇدىكتى ازاماتتى تاپسىردى. ول Instagram ارقىلى ازاماتتاردى الداپ، اقشاسىن يەمدەنگەن.
