Tengrinews.kz / تۋرار كازانگاپوۆ
قازاقستانداعى مەكتەپ وقۋشىلارىنا سمارتفون قولدانۋعا تىيىم سالىنۋى مۇمكىن
قازاقستاندا مەكتەپ وقۋشىلارىنىڭ سمارتفون قولدانۋىنا تولىق تىيىم سالۋ تۋرالى زاڭ جوباسى ازىرلەنۋدە. بۇل باستاما ءبىلىم بەرۋ سالاسىنداعى پەداگوگ مارتەبەسى مەن ءبىلىم بەرۋ ماسەلەلەرى بويىنشا زاڭ جوباسى اياسىندا قاراستىرىلىپ جاتىر.
بۇعان دەيىن مەكتەپ اكىمشىلىگى وقۋشىلاردىڭ سمارتفوندى قاي جاعدايدا قولدانا الاتىنىن وزدەرى انىقتايتىن. زاڭ بويىنشا تەك ساباق كەزىندە عانا تىيىم سالىنعان، ال ءۇزىلىس كەزىندە تەلەفون پايدالانۋعا رۇقسات ەتىلگەن ەدى. ەگەر ءمۇعالىم رۇقسات بەرسە، وقۋ ماقساتىندا تەلەفون قولدانۋعا دا مۇمكىندىك بولدى.
جاڭا ەرەجەلەر
جاڭا زاڭ جوباسىنىڭ سالىستىرمالى كەستەسىنە سايكەس، بۇل نورمانى الىپ تاستاپ، وقۋشىلاردىڭ گادجەتتەردى قولدانۋ قۇقىعىن ءبىلىم بەرۋ سالاسىنداعى ۋاكىلەتتى ورگانعا بەرۋ ۇسىنىلادى. بۇل ءوز كەزەگىندە ءبىلىم مينيسترلىگى نەمەسە جەرگىلىكتى ءبىلىم باسقارمالارى بولۋى مۇمكىن.
ايتا كەتەيىك، بۇل ۇسىنىس ءالى دە قاراستىرىلۋدا، پارلامەنت ماجىلىسىندە رەسمي شەشىم قابىلدانعان جوق.
دەپۋتاتتاردىڭ ۇسىنىسى
دەپۋتاتتار وقۋشىلاردىڭ قۇقىقتارى مەن مىندەتتەرى تۋرالى 47-باپقا كەلەسىدەي وزگەرىس ەنگىزۋدى ۇسىنىپ وتىر:
«ورتا ءبىلىم بەرۋ ۇيىمدارىندا وقۋ پروسەسى كەزىندە وقۋشىلار مەن تاربيەلەنۋشىلەردىڭ ابونەنتتىك قۇرىلعىلارىن (ۇيالى تەلەفوندارىن) پايدالانۋىنا جول بەرىلمەيدى، ءبىراق ءبىلىم بەرۋ سالاسىنداعى ۋاكىلەتتى ورگان بەكىتكەن ەرەجەلەردە كوزدەلگەن جاعدايلاردى قوسپاعاندا».
بۇل شارانىڭ نەگىزدەمەسىندە، ابونەنتتىك قۇرىلعىلاردى تەك ساباق ۋاقىتىندا عانا ەمەس، ءۇزىلىس كەزىندە دە قولدانۋعا تىيىم سالۋ كيبەربۋللينگ پەن دەسترۋكتيۆتى كونتەنتتىڭ تارالۋ ءقاۋپىن ازايتىپ، مەكتەپتەگى ءتارتىپ پەن قاۋىپسىزدىكتى نىعايتادى. سونداي-اق، وقۋشىلاردىڭ تىكەلەي قارىم-قاتىناسىن ارتتىرىپ، ولاردىڭ الەۋمەتتەنۋىنە ىقپال ەتەدى جانە سالاۋاتتى ءبىلىم بەرۋ ورتاسىن قالىپتاستىرۋعا سەپتىگىن تيگىزەدى.
ەستەرىڭىزگە سالا كەتەيىك، مەكتەپتە ساباق ۋاقىتىندا سمارتفون قولدانۋعا زاڭنامالىق تىيىم 2024 جىلدىڭ باسىندا ەنگىزىلگەن بولاتىن. الايدا، ءۇزىلىس كەزىندە وقۋشىلار تەلەفوندارىن قايتا قولدانا الاتىن.
-
پرەزيدەنت روسسيي ۆلاديمير پۋتين پوسەتيت كازاحستان س گوسۋدارستۆەننىم ۆيزيتوم ۆ ماە دليا ۋچاستيا ۆ زاسەدانيي ەاەس.
-
Kazakhstan is debating a new bill that could prohibit students from using smartphones during the school day، aiming to reduce cyberbullying and improve focus.
