InfoHub Logo

ەلىمىزدەگى تۇرعىن ءۇي نارىعىندا باعالاردىڭ ايىرماشىلىعى وتە ۇلكەن. ءبىر جاعىنان، 600 مىڭ تەڭگەگە ەكى بولمەلى پاتەر تابۋعا بولادى، ال ەكىنشى جاعىنان، 65 ميلليارد تەڭگەگە ءزاۋلىم ۇيلەر ساتىلىمعا شىعارىلعان. بۇل ايىرماشىلىق نەدەن تۋىندايدى جانە نارىقتاعى ەڭ ارزان مەن ەڭ قىمبات باسپانالار قانداي؟

بۇل تۋرالى Infohub.kz اقپارات اگەنتتىگى حابارلايدى.

ەڭ ارزان باسپانالار

قازاقستانداعى ەڭ قولجەتىمدى تۇرعىن ءۇي رەتىندە شىعىس قازاقستان وبلىسى، چاپايەۆو كەنتىندە ورنالاسقان 1963 جىلى سالىنعان كىرپىش ۇيدەگى 36 شارشى مەترلىك ەكى بولمەلى پاتەردى اتاۋعا بولادى. ونىڭ باعاسى – 600 مىڭ تەڭگە.

بۇل پاتەردە سىمدى ينتەرنەت، اعاش ەدەن، تىنىش اۋدان جانە جاڭا سانتەحنيكا بار. قازىرگى تاڭدا رەسپۋبليكا بويىنشا ءبىر ميلليون تەڭگەگە دەيىنگى قۇنى بار 18 پاتەر ساتىلىمدا تۇر. ولاردىڭ باسىم بولىگى ەلدىڭ باتىس جانە شىعىس وڭىرلەرىندە ورنالاسقان.

ەگەر ىزدەۋدى ەكى ميلليون تەڭگەگە دەيىن كەڭەيتسەك، تاعى 91 جارنامانى كورۋگە بولادى. مىسالى، قاراعاندى وبلىسى، قاراباس كەنتىندەگى ءبىر بولمەلى پاتەر 1 ميلليون 50 مىڭ تەڭگەگە ساتىلۋدا. ال قاراعاندى وبلىسى، بۇقار جىراۋ اۋدانى، كۇشوقى كەنتىندەگى ءبىر بولمەلى پاتەر 1،3 ميلليون تەڭگەگە ۇسىنىلعان.

باعاسى ميللياردتان اساتىن باسپانالار

ەلىمىزدە باعاسى ميلليارد تەڭگەدەن اساتىن پاتەرلەر دە بارشىلىق. قازىرگى تاڭدا ەڭ قىمبات پاتەر استانا قالاسىندا ساتىلۋدا. ول 25 قاباتتى ۇيدەگى 21ء-شى قاباتتا ورنالاسقان، 1،9 ميلليارد تەڭگەگە باعالانعان. بۇل پاتەردە ءۇش جەكە جاتىن بولمە، ءارقايسىسىنىڭ جەكە گاردەروب بولمەسى بار. سونداي-اق، ءتورت جۋىناتىن بولمەسى بار.

استاناداعى بۇل پاتەردىڭ تەرەزەسىنەن قالانىڭ كورىنىسى اشىلادى. قازىرگى ۋاقىتتا ميلليارد تەڭگەدەن جوعارى باعالاناتىن 12 پاتەر ساتىلىمدا، ونىڭ 10-ى الماتى قالاسىندا.

جەردەگى ءومىر قىمباتقا تۇسەدى

ال جەر ۇيلەرگە كەلەتىن بولساق، قازاقستان بويىنشا باعاسى ميلليارد تەڭگەدەن اساتىن 254 ءۇي بار. ولاردىڭ كەيبىرىنىڭ باعاسى 10 ميلليارد تەڭگەدەن اسىپ جىعىلادى.

الماتى قالاسىنىڭ بوستاندىق اۋدانىندا ورنالاسقان 1500 شارشى مەترلىك وسوبنياكتىڭ باعاسى 10 ميلليارد تەڭگەدەن اسادى. ال سول اۋدانداعى 1200 شارشى مەترلىك ءۇي 7 ميلليارد تەڭگەگە باعالانعان.

ەڭ قىمبات ۇيلەردىڭ باسىم بولىگى الماتىنىڭ جوعارعى جاعىندا ورنالاسقان. ولاردىڭ باعاسى شامامەن 4،6 ميلليارد تەڭگە.

استانا قالاسىنداعى 1039 شارشى مەترلىك ءۇش قاباتتى ءۇي 2،7 ميلليارد تەڭگەگە ساتىلۋدا.