قازاقستاندىقتار نازاربايەۆتان سوتتالعان مۇعالىمگە قولداۋ ءبىلدىرۋدى سۇراۋدا
قازاقستاندىقتار جالعان لاڭكەستىك ءۇشىن ەكى جىلعا سوتتالعان قاراعاندىلىق ءمۇعالىم يۋريي پاكقا قولداۋ ءبىلدىرىپ، پەتيسياعا قول قويۋدا دەپ حابارلايدى قازاقپارات.
پەتيسيا پرەزيدەنت نۇرسۇلتان نازاربايەۆتىڭ اتىنا جازىلعان. وندا ءۇش كۇن بۇرىن جازالاۋ ۇكىمى شىققان فيزيكا ءپانىنىڭ وقىتۋشىسى يۋريي پاكتىڭ ءىسىن قايتا قاراۋ سۇرالعان.
4 قازان كۇنى avaaz.org قوعامدىق پەتيسيالار سايتىنا ورنالاستىرىلعان ۇندەۋحاتقا مىڭنان استام ادام قول قويىپ ۇلگەردى جانە ولاردىڭ سانى جىلدام ارتۋ ۇستىندە.
ەسكە سالساق، يۋريي پاكقا 2015 جىلدىڭ 14 ساۋىرىندە قاراعاندىداعى سۋم عيماراتىنا «بومبا» قويدى دەگەن ايىپ تاعىلدى. سەبەبى ونىڭ ۇيالى تەلەفونىنان شۇعىل ارەكەت ەتۋ قىزمەتتەرىنە قوڭىراۋ تۇسكەن. ەر ادام بومبا قوياتىندىعى تۋرالى حابارلاعان.
ۇستاز سوتقا ءوزىنىڭ بۇل ىسكە قاتىسى جوقتىعىن ايتىپ-باقتى. ونىڭ ايتۋىنشا، قوڭىراۋ شالىنعان ۋاقىتتا ول ارىپتەس-ايەلدەرگە پارتالاردى تاسۋعا كومەكتەسىپ جۇرگەن. تەلەفون بۇل ۋاقىتتا كورشى كابينەتتە، سومكەسىنىڭ ىشىندە جاتقان.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ ءوز قىزمەتكەرلەرىن جۇمىستان ۋاقتىلى ۇيلەرىنە جىبەرەدى، دەپ حابارلايدى قازاقپارات.
-
قوستاناي قالاسى، قوستاناي اۋدانى ميچۋرين ورتا مەكتەبى 7 «ءا»سىنىپ وقۋشىسى: بەركيمبايەۆا زارينا ابزال قىزى
