قازاقستاندىق 60 جۋرناليست پرەزيدەنتتىڭ اتىنان پاتەرگە يە بولدى
بۇقارالىق اقپارات قۇرالدارى قىزمەتكەرلەرى كۇنىنە وراي 60 قازاقستاندىق جۋرناليست پەن مەديا سالاسىنىڭ ماماندارى باسپانالى بولدى. پاتەر كىلتتەرىن "دارا" پرەزيدەنتتىك باستامالار قورى مەملەكەت باسشىسى قاسىم-جومارت توقايەۆتىڭ اتىنان تابىستادى.
بيىلعى جىلى پاتەر تەك جۋرناليستەرگە عانا ەمەس، سونداي-اق رەجيسسەرلەر، وپەراتورلار، كوررەكتورلار، دۋبلياج رەداكتورلارى، دىبىس رەجيسسەرلەرى مەن قويۋشىلارعا جانە جالپى ساپالى مەدياكونتەنت جاساۋمەن اينالىساتىن وزگە دە سالا قىزمەتكەرلەرىنە بەرىلدى.
مەملەكەت باسشىسىنىڭ باسپا ءسوز حاتشىسى رۋسلان جەلدىباي بۇل يگى شارادا الەۋمەتتىك وسال توپتارعا ايرىقشا نازار اۋدارىلعانىن اتاپ ءوتتى.
– الەۋمەتتىك وسال توپتارعا ەرەكشە كوڭىل ءبولىندى: باسپانا الۋشىلاردىڭ قاتارىندا كوپبالالى وتباسىلار مەن مۇگەدەك بالاسى بار جانۇيالار بار. ارىپتەستەرىمنىڭ بۇل جەتىستىگىنە شىن جۇرەكتەن قۋانىشتىمىن. بارشاڭىزدى مەرەكەمەن قۇتتىقتايمىن، – دەدى ول.
بۇل باستاما مەديا سالاسى قىزمەتكەرلەرىنىڭ ەل ءۇشىن سىڭىرگەن ەڭبەگىنە بەرىلگەن لايىقتى باعاسى رەتىندە قابىلدانۋدا.
You Might Also Like
-
وقۋ ۇلگەرىمىنەن ەمەس، تارتىبىمەن ەستە قالعان نازاربايەۆ زياتكەرلىك مەكتەبىنىڭ بۇرىنعى 11-سىنىپ وقۋشىسى سۇڭقار مايقان ورتا ءبىلىم تۋرالى اتتەستاتقا قول جەتكىزدى، دەپ حابارلايدى "ادىرنا" ۇلتتىق پورتالى.
-
ەكولوگيا جانە تابيعي رەسۋرستار ءمينيسترى ەرلان نىسانبايەۆ الداعى كۇندەرى كيىكتەردىڭ سانىن رەتتەۋ بويىنشا تۇپكىلىكتى شەشىم قابىلداناتىنىن حابارلادى. ءمينيستردىڭ ايتۋىنشا، عالىمدار كيىك پوپۋلياسياسىنىڭ 2...
