tengrinews.kz
قازاقستاندىق ايەل كۇيەۋىنىڭ شوتتارىن تەكسەرمەك بولدى: كونستيتۋسيالىق سوت نە شەشتى؟
بۇرىنعى ەرلى-زايىپتىلاردىڭ ءبىرىنىڭ بانك شوتتارىنا قول جەتكىزۋ ماسەلەسىن قازاقستان رەسپۋبليكاسىنىڭ كونستيتۋسيالىق سوتى قارادى. بۇل جاعدايعا ايەل ازاماتشانىڭ ءوتىنىشى سەبەپ بولدى.
بۇل تۋرالى Infohub.kz اقپارات اگەنتتىگى حابارلايدى.
بانكتىك قۇپيا جانە ازاماتتىق قۇقىقتار
كونستيتۋسيالىق سوتقا «بانكتەر جانە بانك قىزمەتى تۋرالى» زاڭنىڭ 50-بابىنىڭ 4-تارماعىنىڭ كونستيتۋسيالىلىعىن تەكسەرۋ تۋرالى ءوتىنىش تۇسكەن. اتالعان نورماعا سايكەس، بانك شوتتارى مەن سالىمدارى تۋرالى مالىمەتتەر تەك كليەنتتىڭ وزىنە نەمەسە ونىڭ جازباشا كەلىسىمىمەن عانا ءۇشىنشى تۇلعالارعا بەرىلەدى.
ارىز بەرۋشى ايەل ازاماتشا اجىراسقاننان كەيىن بۇرىنعى كۇيەۋىنىڭ بانك شوتتارى مەن ونداعى اقشا قوزعالىسى تۋرالى اقپاراتتى ەكىنشى دەڭگەيلى بانكتەردەن الا الماعان. بانكتەر بۇل مالىمەتتەردى بەرۋدەن باس تارتقان، سەبەبى بۇل بانك قۇپياسى رەجيمىنە جاتادى.
سوتتىڭ شەشىمى
كونستيتۋسيالىق سوت ءاربىر ادامنىڭ جەكە ءومىرىنىڭ قۇپيالىلىعىنا، انا مەن بالانىڭ قورعالۋىنا، سونداي-اق جەكە سالىمدار مەن جيناقتاردىڭ قۇپيالىلىعىنا كونستيتۋسيالىق قۇقىعى كەپىلدەندىرىلگەنىن اتاپ ءوتتى. بانكتىك سالىمداردىڭ قۇپيالىلىعىنا قۇقىق وتباسىلىق جاعدايىنا قاراماستان، ءاربىر ادامعا قولدانىلاتىن دەربەس كونستيتۋسيالىق قۇقىق بولىپ تابىلادى.
سوتتىڭ شەشىمى بويىنشا، ەرلى-زايىپتىلاردىڭ مۇلىكتىك قۇقىقتارى تەڭ بولعانىمەن، بۇل ءاربىر تۇلعانىڭ جەكە اۆتونومياسىن، جەكە ءومىرىنىڭ قۇپيالىلىعىن جويمايدى. الايدا، زاڭنامادا بانك قۇپياسىن قورعاۋ مەن ەرلى-زايىپتىلاردىڭ مۇلىكتىك قۇقىقتارىن ىسكە اسىرۋ اراسىنداعى تەپە-تەڭدىكتى قامتاماسىز ەتەتىن تەتىكتەر قاراستىرىلعان. اتاپ ايتقاندا، سوتتار وندىرىسىندەگى ىستەر بويىنشا بانك قۇپياسىن قۇرايتىن مالىمەتتەردى سۇراتۋعا قۇقىلى.
قورىتىندىلاي كەلە، كونستيتۋسيالىق سوت زاڭنىڭ اتالعان تارماعىنىڭ كونستيتۋسياعا سايكەس كەلەتىنىن انىقتادى.
-
پرەزيدەنت كازاحستانا كاسىم-جومارت توكايەۆ پودپيسال زاكون، راتيفيسيرۋيۋششيي سوگلاشەنيە س اۆستريەي و رەادميسسيي ي ترانزيتە نەزاكوننىح ميگرانتوۆ.
-
A woman sought access to her ex-husband's bank accounts، but the Constitutional Court has clarified the boundaries of banking secrecy and personal rights.
