United World Wrestling
قازاقستاندىق بالۋان ريزابەك ايتمۇحان الەمنىڭ ۇزدىك سپورتشىسى اتاندى
حالىقارالىق كۇرەس فەدەراسياسى قازاقستاندىق بالۋان ريزابەك ايتمۇحاندى الەمدەگى ايدىڭ ۇزدىك سپورتشىسى دەپ تانىدى. بۇل – قازاقستاندىق سپورت ءۇشىن تاريحي جەتىستىك.
بۇل تۋرالى Infohub.kz اقپارات اگەنتتىگى حابارلايدى.
ايدىڭ ۇزدىك سپورتشىسى اتاعى
حالىقارالىق كۇرەس فەدەراسياسىنىڭ باسپا ءسوز قىزمەتى ريزابەك ايتمۇحاندى وتكەن ايداعى ەركىن كۇرەستەن ۇزدىك وكىل رەتىندە تاڭدادى. گرەك-ريم كۇرەسىنەن ەۋروپا چەمپيونى، ارمەنيالىق دجانەس نازاريان، ال ايەلدەر اراسىندا پانامەريكا ويىندارىنىڭ ەكى دۇركىن چەمپيونى، امەريكالىق كايلي ۋەلكەر ۇزدىك دەپ تانىلدى.
سوڭعى جەتىستىكتەرى
ريزابەك ايتمۇحان جاقىندا عانا ازيا چەمپيوناتىندا (U-23) 125 كەلى سالماق دارەجەسىندە جەڭىمپاز اتاندى. فينالدا ول ءۇندىستاندىق بالۋان لاكيدى 10:0 ەسەبىمەن جەڭىپ، التىن مەدالدى قانجىعالادى.
تاريحي الەم چەمپيونى
ريزابەك ايتمۇحان 2023 جىلى قازاقستاننان شىققان تۇڭعىش الەم چەمپيونى اتاندى. ول كەزدە 18 جاستاعى بالۋان 92 كەلى سالماق دارەجەسىندە ونەر كورسەتتى. كەيىننەن ريزابەك وليمپيادالىق سالماق بولىپ سانالاتىن 97 كەلىگە اۋىستى. بۇل سالماقتا ول ازيا چەمپيوناتىنىڭ ەكى دۇركىن كۇمىس جۇلدەگەرى اتاندى.
-
قازاقستاندىق مانەرلەپ سىرعاناۋشى ميحايل شايدوروۆ پەن تۋريزم جانە سپورت مينيسترلىگى اراسىنداعى كەلىسىمشارتقا بايلانىستى ماسەلە وڭ شەشىمىن تاپتى. سپورتشى جالاقىسىن الادى جانە جاتتىعۋ جيىندارىنا قاتىسادى.
-
قازاقستاندا كولىك ساتۋدىڭ كەڭ تارالعان ءادىسى – كەلىسىمشارتتا سيمۆولدىق باعانى كورسەتۋ، ەندى ساتۋشى مەن ساتىپ الۋشىعا ايىپپۇل اكەلۋى مۇمكىن.
