InfoHub Logo

قازاقستاندىق اۋىر سالماق بوكسشىسى يۆان دىچكو 6 ماۋسىمدا انگليانىڭ بورنمۋت قالاسىندا وتەتىن Zuffa Boxing 07 تۋرنيرىندە كەزەكتى جەكپە-جەگىن وتكىزەدى. بۇل تۋرالى Tengri Sport حابارلايدى.

ونىڭ قارسىلاسى ءالى جەڭىلمەگەن بريتانيالىق حارۆي دايكس بولادى. جەكپە-جەك ءتۋرنيردىڭ الدىن الا كاردىندا وتەدى.

كەشتىڭ باستى وقيعاسى – ءبىرىنشى اۋىر سالماقتاعى بۇرىنعى WBO چەمپيونى كريس بيللام-سميت پەن كانادالىق بوكسشى رايان روزيسكي اراسىنداعى كەزدەسۋ.

يۆان دىچكو كىم؟

يۆان دىچكو – اۋىر سالماقتاعى قازاقستاندىق كاسىپقوي بوكسشى. ول حالىقارالىق ارەنادا بوكستان ەلىمىزدىڭ ەڭ ۇزدىك وكىلدەرىنىڭ ءبىرى.

1990 جىلى 11 تامىزدا قوستاناي وبلىسىنىڭ رۋدنىي قالاسىندا تۋعان. اۋەسقوي بوكستا يۆان 200-گە جۋىق جەكپە-جەك وتكىزىپ، ايتارلىقتاي تابىسقا جەتكەن. ول ەكى دۇركىن وليمپيادا ويىندارىنىڭ قولا جۇلدەگەرى (لوندون-2012 جانە ريو-2016)، الەم جانە ازيا چەمپيوناتتارىنىڭ كوپ دۇركىن جۇلدەگەرى، سونداي-اق قازاقستاننىڭ ءۇش دۇركىن چەمپيونى اتاندى.

دىچكو 2017 جىلى كاسىپقوي بوكسقا اۋىستى. ونىڭ رەكوردى قازىرگى تاڭدا 15-1. ۇزاق ۋاقىت بويى ول جەڭىلمەي كەلدى، دوسروچنىي جەڭىستەرىنىڭ جوعارى پايىزىن كورسەتتى (14 نوكاۋت). كاسىپقوي مانسابىنداعى العاشقى جەڭىلىسىن يۆان 2025 جىلدىڭ قىركۇيەگىندە امەريكالىق بوكسشى دجەرمەين فرانكليننەن قابىلدادى.

Zuffa Boxing – UFC باسشىسى مەن ىقپالدى شەيحتىڭ جوباسى

Zuffa Boxing – UFC پرەزيدەنتى دانا ۋايت پەن ىقپالدى بوكس پروموۋتەرى تۇركى ال-شەيح بىرىگىپ 2025 جىلدىڭ ماۋسىم ايىندا قۇرعان جاڭا كاسىپقوي بوكس پروموۋتەرلىك كومپانياسى.

بۇل جوبا بوكسقا UFC مودەلىن ەنگىزۋگە باعىتتالعان: سپورتشىلارمەن ورتالىقتاندىرىلعان كەلىسىمشارتتار، جەكە چەمپيوندىق بەلبەۋلەر، سالماق دارەجەلەرىنىڭ جەڭىلدەتىلگەن جۇيەسى جانە ۇزدىك بوكسشىلار اراسىنداعى تارتىستى جەكپە-جەكتەرگە باسا نازار اۋدارۋ.