سوڭعى جاڭارتۋ

(وزگەرتىلگەن ۋاقىتى 17 مينۋت بۇرىن)
قازاقستاندىق فايتەر UFC-دە العاشقى جەڭىسىنە قول جەتكىزدى

قازاقستاندىق جارتىلاي اۋىر سالماقتاعى فايتەر ديار نۇرعوجاي (11-2) UFC-دە العاشقى جەڭىسىن تويلادى.

بۇل جەڭىس اقش-تىڭ لاس-ۆەگاس قالاسىندا وتكەن UFC 326 تۋرنيرىندە تىركەلدى. نۇرعوجايدىڭ قارسىلاسى برازيليالىق رافاەل توبياس (14-2) بولدى. قازاقستاندىق سپورتشى ءۇش راۋند قورىتىندىسى بويىنشا تورەشىلەردىڭ ءبىراۋىز شەشىمىمەن جەڭىسكە جەتتى.

بۇل – نۇرعوجايدىڭ UFC ۇيىمىنداعى ەكىنشى جەكپە-جەگى. العاشقى كەزدەسۋىندە ول برازيليالىق برەندسون ريبەيروعا ەسە جىبەرگەن بولاتىن. كەيىننەن، تامىز ايىندا قىرعىزستاندىق سپورتشى ۋران ساتىبالدييەۆكە دەمدە ۇتىلدى.

ديار نۇرعوجايدىڭ مما كارەراسىنداعى جالپى جەڭىستەرىنىڭ سانى 11-گە جەتتى. ال توبياس بولسا، 14 جەڭىسىمەن قاتار، ەكىنشى رەت جەڭىلىس تاپتى.

ايتا كەتەيىك، UFC 326 ءتۋرنيرىنىڭ باستى جەكپە-جەگىندە جەڭىل سالماقتاعى امەريكالىق ماكس حوللوۋەي مەن برازيليالىق چارلز وليۆەيرا كەزدەسەدى.

جاڭالىقتار

جارناما