Photo: Yakup Polat (https://www.pexels.com/@yakup-polat-420882786) / Pexels
قازاقستاندىق فۋتبولشى يسلام چەسنوكوۆ شوتلانديادا العاشقى گولىن سوعىپ، كومانداسىن جەڭىسكە جەتكىزدى
قازاقستاندىق فۋتبول جۇلدىزى يسلام چەسنوكوۆ شوتلانديا چەمپيوناتىندا تاريحي ساتپەن كوزگە ءتۇستى. ول ونەر كورسەتەتىن «حارتس» كلۋبىنىڭ ساپىندا العاشقى گولىن سوعىپ، كومانداسىن «فالكيرككە» قارسى ماڭىزدى جەڭىسكە جەتكىزدى.
بۇل تۋرالى Infohub.kz اقپارات اگەنتتىگى حابارلايدى.
العاشقى گول – جەڭىس سىيلادى
21 اقپاندا وتكەن كەزدەسۋدە يسلام چەسنوكوۆ «حارتس» ساپىندا باستاپقى قۇرامدا الاڭعا شىقتى. ويىننىڭ ءبىرىنشى تايمىنىڭ سوڭعى مينۋتىندا قازاقستاندىق ويىنشى قارسىلاس قاقپاسىن ءدال نىساناعا الىپ، ەسەپتى 1:0-گە جەتكىزدى. بۇل گول چەسنوكوۆتىڭ شوتلانديا چەمپيوناتىنداعى جانە جالپى ۇلىبريتانيا اۋماعىنداعى ۇلتتىق بىرىنشىلىكتەردەگى العاشقى دوبى بولدى.
ماچتىڭ قالعان بولىگىندە ەسەپ وزگەرگەن جوق. وسىلايشا، چەسنوكوۆتىڭ سوققان جالعىز گولى كومانداسىنا جەڭىس اكەلدى. ويىن سوڭىندا يسلام چەسنوكوۆ كەزدەسۋدىڭ ۇزدىك ويىنشىسى بولىپ تانىلدى.
فۋتبولشىنىڭ مانسابى
يسلام چەسنوكوۆ – شىعىس قازاقستان وبلىسىنان شىققان تالانتتى فۋتبولشى. ول قازاقستاندا «توبىل» كلۋبىندا ونەر كورسەتكەن. سوڭعى جىلدارى قازاقستان قۇراماسىنىڭ بەلدى ويىنشىلارىنىڭ ءبىرى بولىپ كەلەدى.
بيىل قاڭتاردا چەسنوكوۆ شوتلانديالىق «حارتس» كلۋبىنا اۋىسقان بولاتىن. بۇل كلۋب قازىرگى تاڭدا ۇلتتىق چەمپيوناتتا كوش باستاپ كەلەدى.
-
68 سپورتسمەنوۆ يز ۋاليحانوۆسكوگو رايونا سوريەۆنۋيۋتسيا ۆ رازليچنىح زيمنيح ۆيداح سپورتا نا فەستيۆالە «سيەۆەر-2026» ۆ سيەۆەرو-كازاحستانسكوي وبلاستي.
-
Kazakhstani talent Islam Chesnokov made a significant debut in the Scottish Championship، scoring his first goal and earning 'Man of the Match' honors.
