Tengrinews.kz / تۋرار كازانگاپوۆ
قازاقستاندىق مەملەكەتتىك قىزمەتشىلەرگە قاتىستى ەكى جاڭا زاڭعا پرەزيدەنت قول قويدى
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ مەملەكەتتىك قىزمەتشىلەرگە قاتىستى ەكى ماڭىزدى زاڭعا قول قويدى. بۇل تۋرالى اقورداعا سىلتەمە جاساپ Infohub.kz حابارلايدى.
مەملەكەت باسشىسى «قازاقستان رەسپۋبليكاسىنىڭ مەملەكەتتىك قىزمەتى تۋرالى» جانە مەملەكەتتىك قىزمەت ماسەلەلەرى بويىنشا زاڭدارعا وزگەرىستەر مەن تولىقتىرۋلار ەنگىزۋ تۋرالى زاڭدارعا قول قويدى.
مەملەكەتتىك قىزمەت تۋرالى جاڭا زاڭ نە وزگەرتەدى؟
«قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭى مەملەكەتتىك قىزمەتكە كىرۋ جانە ونى ءوتۋ ءتارتىبىن جەتىلدىرۋدى، پەرسونالدى باسقارۋدىڭ زاماناۋي تەتىكتەرىن ەنگىزۋدى جانە مەملەكەتتىك قىزمەتتىڭ تارتىمدىلىعىن ارتتىرۋدى كوزدەيدى. زاڭدا مەملەكەتتىك قىزمەتشىلەردىڭ الەۋمەتتىك كەپىلدىكتەرىن كۇشەيتۋگە، قۇقىق بۇزۋشىلىقتاردىڭ الدىن الۋعا باعىتتالعان تارتىپتىك پراكتيكانى جەتىلدىرۋگە، سونداي-اق مەملەكەتتىك ورگانداردا ءتيىستى قىزمەت قۇرۋعا ەرەكشە نازار اۋدارىلعان.
زاڭ كادرلاردى ىرىكتەۋ جانە باعالاۋدىڭ سيفرلىق قۇرالدارىن ەنگىزۋدى، تالىمگەرلىك ينستيتۋتىن دامىتۋدى، سونداي-اق مەملەكەتتىك ەمەس سەكتوردى قوسا العاندا، بىلىكتى مامانداردى تارتۋدىڭ قوسىمشا تەتىكتەرىن قالىپتاستىرۋدى قاراستىرادى.
وزگە زاڭنامالىق اكتىلەرگە ەنگىزىلگەن وزگەرىستەر
مەملەكەتتىك قىزمەت ماسەلەلەرى بويىنشا زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى زاڭ مەملەكەتتىك قىزمەتتىڭ سەرۆيسپەن جانە كليەنتكە باعدارلانعاندىق قاعيداتتارىنا نەگىزدەلگەن مودەلىنە كوشۋگە، مەملەكەتتىك قىزمەتتىڭ گيبريدتى مودەلىن قولدانا وتىرىپ، مەملەكەتتىك اپپاراتتى كاسىبيلەندىرۋگە، سونداي-اق HR-پروسەستەردى سيفرلاندىرۋعا باعىتتالعان. ونىڭ نەگىزگى ماقساتى – مەملەكەتتىك قىزمەت سالاسىنداعى قوعامدىق قاتىناستاردى، سونداي-اق مەملەكەتتىڭ فۋنكسيالارى مەن مىندەتتەرىن ىسكە اسىرۋعا جاردەمدەسۋگە بايلانىستى قوعامدىق قاتىناستاردى رەتتەۋ.
زاڭداردىڭ ماتىندەرى باسپا ءسوز بەتتەرىندە جاريالانادى.
-
Kazakhstan introduces a new digital system to help citizens manage multiple problematic loans، streamlining debt repayment and offering a unified approach.
-
نيگماتۋلين كلانىنا تيەسىلى YDD Corporation جانە Asia Ferro Alloys كومپانيالارى ينۆەستيسيالىق كونسورسيۋمنىڭ باقىلاۋىنا ءوتۋى ىقتيمال. بۇل جاڭالىقتار مەتاللۋرگيا سالاسىنداعى ءىرى وزگەرىستەردى بىلدىرەدى.
