tengrinews.kz
«قازاقستاندىق مونيكا بەللۋچچي» زەينەتكەرلىككە شىقتى
ماڭعىستاۋ وبلىسىندا پوليسيا قىزمەتكەرلەرى زەينەتكەرلىككە شىعارىلدى. ولاردىڭ اراسىندا 2025 جىلى الەۋمەتتىك جەلىدە «قازاقستاندىق مونيكا بەللۋچچي» اتانعان پوليسيا پودپولكوۆنيگى لەيلا سايدوۆا دا بار. بۇل تۋرالى Infohub.kz اقپارات اگەنتتىگى حابارلايدى.
پوليسياداعى قىزمەتى
ماڭعىستاۋ وبلىستىق پوليسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا، قىزمەتكە 2009 جىلى 25 جاسىندا كىرگەن لەيلا سايدوۆا العاشقىدا وبلىستىق ءىىد اقپاراتتىق-تەحنيكالىق قىزمەتى باسقارماسىنىڭ تەحنيكالىق قىزمەتكەرى بولعان. ەكى جىلدان كەيىن، 2011 جىلى اكىمشىلىك پوليسيا بولىنىستەرىنە اۋىسىپ، زەينەتكەرلىككە شىققانعا دەيىن وسى سالادا قىزمەت ەتكەن. ونىڭ سوڭعى لاۋازىمى – ماڭعىستاۋ وبلىستىق پوليسيا دەپارتامەنتى اكىمشىلىك پوليسيا باسقارماسىنىڭ ۇيىمداستىرۋ جانە باقىلاۋ ءبولىمىنىڭ اعا ينسپەكتورى بولدى.
الەۋمەتتىك جەلىدەگى تانىمالدىلىق
لەيلا سايدوۆا 2025 جىلى بلوگەرمەن بولعان داۋ كەزىندە تۇسىرىلگەن ۆيدەودان كەيىن كەڭ تانىمالدىلىققا يە بولدى. ۆيدەو جەلىدە تەز تاراپ كەتتى. الايدا، پايدالانۋشىلاردىڭ نازارىن تەك جانجالدىڭ ءوزى عانا ەمەس، پوليسيا قىزمەتكەرىنىڭ سىرتقى كەلبەتى دە باۋراپ الدى. پىكىر قالدىرۋشىلار ونى يتاليان اكتريساسى مونيكا بەللۋچچيمەن سالىستىرا باستادى.
42 جاسىندا زەينەتكەرلىككە شىققان لەيلا ەندى وتباسىنا جانە 9 جاسار ۇلىن تاربيەلەۋگە كوبىرەك ۋاقىت بولمەكشى.
-
الەۋمەتتىك جەلىدە تۇركىستان وبلىسىنداعى گرەيگ قىزعالداقتارى وسكەن القاپتى تراكتوردىڭ كەسىپ وتكەن بەينەجازباسى تالقىلانۋدا. بۇل جاعداي قوعامدا قىزۋ پىكىرتالاس تۋدىردى.
-
A police lieutenant colonel، known for her resemblance to Monica Bellucci، has retired from service in the Mangystau region after a notable career.
