ەرمەك رۋستەموۆ
قازاقستاندىق شاڭعىشى الەمدىك رەكورد ورناتتى
قازاقستاندىق شاڭعىشى سەرگەي اپەنكو "شىمبۇلاق" تاۋ شاڭعى كۋرورتىندا اۋەسقويلار اراسىندا شاڭعىمەن سىرعاناۋدان رەكورد ورناتىپ، بىردەن ءۇش رەت ماراپاتتالدى. ونىڭ كورسەتكىشى قازاقستان، ازيا جانە افريكا قۇرلىقتارىنىڭ رەكوردتارىنا ەندى.
بۇل تۋرالى Infohub.kz اقپارات اگەنتتىگى حابارلايدى.
اتالعان رەكورد 2026 جىلدىڭ 23 اقپانىندا قازاقستان رەكوردى كىتابىنا ەنگىزىلدى. سەرگەي اپەنكونىڭ جىلدامدىعى ساعاتىنا 160،953 شاقىرىمعا جەتتى. بۇل كورسەتكىش "Global Best of Records" حالىقارالىق ۇيىمى تاراپىنان ازيا جانە افريكا قۇرلىقتارىنىڭ اۋەسقوي شاڭعىشىلار اراسىنداعى جىلدامدىق بويىنشا رەكوردى رەتىندە رەسمي تۇردە تىركەلدى.
رەكوردتى تىركەۋ ءراسىمى
رەكوردتى تىركەۋ ءراسىمى الماتى قالاسىندا ءوتتى. "Global Best of Records" ۇيىمىنىڭ رەسمي مالىمەتىنشە، بۇل جەتىستىك اۋەسقوي سپورتتىڭ ەرەكشە الەۋەتىن جانە ادام مۇمكىندىكتەرىنىڭ شەگىن كەڭەيتەتىن سپورتشىلاردىڭ باتىلدىعىن كورسەتەدى.
جىلدامدىقتى ولشەۋ ءۇشىن FIS (حالىقارالىق شاڭعى جانە سنوۋبورد فەدەراسياسى) ستاندارتتارىنا سايكەس كەلەتىن ALGE Timing كاسىبي حرونومەتراج جۇيەسى قولدانىلدى. رەكوردتى تىركەۋ كوميسسياسى ءۇش تاۋەلسىز مۇشەدەن قۇرالدى.
سپورتشىنىڭ ايتقانى
سەرگەي اپەنكو بۇل رەكوردتى تەك سپورتتىق جارىس رەتىندە عانا ەمەس، سونىمەن قاتار ەلىمىزدەگى تاۋ شاڭعى كلاستەرىن دامىتۋعا باعىتتالعان سيمۆولدىق قادام دەپ سانايدى. "شىمبۇلاق" تراسسالارىنىڭ الەۋەتىن كورسەتۋ ءۇشىن وسى تاۋ شاڭعى كۋرورتىندا جارىس وتكىزۋ ماڭىزدى بولدى. بۇل جوبا بۇقارالىق سپورتتى ناسيحاتتاۋعا جانە قازاقستاننىڭ قىسقى تۋريزم ورتالىعى رەتىندەگى ءيميدجىن نىعايتۋعا كومەكتەسەدى دەپ ۇمىتتەنەمىن"، - دەدى اپەنكو.
"شىمبۇلاق" تاۋ شاڭعى كۋرورتىنىڭ باسپا ءسوز قىزمەتى حابارلاعانداي، جارىستى ۇيىمداستىرۋ كەزىندە قاۋىپسىزدىك تالاپتارىنا باسا نازار اۋدارىلعان.
-
بىۆشيي چينوۆنيك پولنوستيۋ پريزنال سۆويۋ ۆينۋ پو وبۆينەنيام ۆ موشەننيچەستۆە ي كوررۋپسيي، دەلو راسسماتريۆاەتسيا ۆ سۋدە.
-
Sergey Apenko has shattered speed records for amateur skiers across Kazakhstan، Asia، and Africa، achieving an incredible 160.953 km/h.
