InfoHub Logo

قازاقستاندىق تۋريستەر تاياۋ شىعىستاعى جاعدايعا بايلانىستى دۋبايدان شۇعىل ەۆاكۋاسيالاندى،دەپ جازادى ينفوحاب ءتىلشىسى.

تاياۋ شىعىستاعى احۋالدىڭ ۋشىعۋىنا بايلانىستى قازاقستاندىق تۋريستەر دۋبايدان ارنايى رەيستەرمەن ەلگە جەتكىزىلدى. FlyDubai اۋە كومپانياسىنىڭ ەكى ۇشاعى 15 ماۋسىم كۇنى الماتىعا امان-ەسەن قوندى.

العاشقى رەيس تۇنگى 02:45-تە، ەكىنشىسى تاڭعى 06:19-دا الماتى حالىقارالىق اۋەجايىنا كەلىپ جەتتى. ەكى رەيس ارقىلى جالپى سانى 332 قازاقستاندىق ازامات ەۆاكۋاسيالاندى. ولاردىڭ اراسىندا 13 ماۋسىمدا ۇشا الماي قالعان جولاۋشىلار دا بولدى.

ايتا كەتەيىك، تاياۋ شىعىستاعى شيەلەنىس كۇشەيگەننەن كەيىن ءبىرقاتار حالىقارالىق اۋە كومپانياسى دۋباي مەن ابۋ-دابيدەن ۇشاتىن رەيستەرىن ۋاقىتشا توقتاتقان ەدى. قازاقستاننىڭ ازاماتتىق اۆياسيا كوميتەتى 13 ماۋسىمنان باستاپ يران، يزرايل، سيريا، يراك، يوردانيا جانە ليۆان اۋماقتارى مەن اۋە كەڭىستىگى ارقىلى ۇشۋعا رەسمي تۇردە تىيىم سالعان بولاتىن.

FlyDubai كومپانياسىنىڭ ۇشاقتارى اتالعان ءقاۋىپتى ايماقتاردى اينالىپ ءوتىپ، جوسپارلى جانە كەشىكتىرىلگەن رەيستەرمەن بارلىق جولاۋشىلاردى امان-ەسەن جەتكىزدى.