InfoHub Logo

ەلىمىزدەگى زەينەتكەرلەر، اسىرەسە استانا، الماتى، قاراعاندى، شىمكەنت قالالارىنىڭ تۇرعىندارى، مەملەكەت ەسەبىنەن تەگىن نەمەسە جەڭىلدىكپەن ساناتورييگە جولداما الۋعا مۇمكىندىك الادى. جولدامانىڭ قۇنى زەينەتكەردىڭ ساناتىنا، زەينەتاقى مولشەرىنە جانە تۇراتىن وڭىرىنە بايلانىستى بولادى. Massaget.kz پورتالى كىمدەردىڭ ساناتورييلىك-كۋرورتتىق ەمدەلۋگە قۇقىلى ەكەنىن، قالاي تىركەلۋ كەرەكتىگىن جانە قانشا قارجى جۇمساۋ قاجەتتىگىن انىقتادى.

بۇل تۋرالى Infohub.kz اقپارات اگەنتتىگى حابارلايدى.

استاناداعى زەينەتكەرلەرگە ارنالعان ساناتورييلىك قىزمەتتەر

استانا قالاسىندا ساناتورييلىك-كۋرورتتىق ەمدەۋ جەرگىلىكتى بيۋدجەت ەسەبىنەن قارجىلاندىرىلادى. تەگىن جولدامالار مىناداي ساناتتاعى ازاماتتارعا بەرىلەدى:

ال، جاس بويىنشا زەينەتكەرلەرگە جەڭىلدىكپەن جولدامالار ۇسىنىلادى. مەملەكەت زەينەتكەرلەردىڭ جاس بويىنشا ساناتورييگە بارۋ شىعىندارىنىڭ باسىم بولىگىن وتەيدى:

استانالىق زەينەتكەرلەردى ششۋچينسك-بۋراباي كۋرورتتىق ايماعىنداعى، سونىڭ ىشىندە قاتاركول كولىنىڭ جانىنداعى ساناتورييلەردە ەمدەيدى. سونداي-اق، قاراعاندى وبلىسى، پريوزەرسك قالاسىنداعى «بالحاش» ساۋىقتىرۋ كەشەنىنە دە جولدامالار بەرىلىپ تۇرادى. ەمدەۋ مەرزىمى – 14 كۇنتىزبەلىك كۇن. جاس بويىنشا زەينەتكەرلەر مۇنداي مۇمكىندىكتى ەكى جىلدا ءبىر رەت، ال باسقا ساناتتاعىلار جىلىنا ءبىر رەت پايدالانا الادى. ساناتورييگە دەيىنگى جول ءجۇرۋ شىعىندارىن زەينەتكەرلەر وزدەرى تولەيدى.

الماتىداعى جاعداي

الماتى قالاسىنداعى جاعداي ءسال وزگەشە. مۇندا تەگىن جولدامالار تەك ەكىنشى دۇنيەجۇزىلىك سوعىس ارداگەرلەرى مەن مۇگەدەك جاندارعا عانا بەرىلەدى. جاس بويىنشا زەينەتكەرلەرگە ورتاشا جان باسىنا شاققانداعى تابىسى ءۇش ەڭ تومەنگى كۇنكورىس دەڭگەيىنەن (2026 جىلى 152 553 تەڭگە) اسپاسا، شىعىنداردىڭ ءبىر بولىگىن وتەۋگە بولادى. بۇل جاعدايدا زەينەتكەر جولداما قۇنىنىڭ 25%-ىن عانا تولەيدى. وتىنىشتەر اۋداندىق اكىمدىكتەرگە بەرىلىپ، ارنايى كوميسسيا ماتەريالدىق جاعدايدى ەسكەرە وتىرىپ شەشىم قابىلدايدى.

شىمكەنت پەن قاراعاندىداعى مۇمكىندىكتەر

شىمكەنت قالاسىندا جىل سايىن 5 500 ارداگەر مەن زەينەتكەرگە ارنالعان تەگىن ساناتورييلىك جولدامالار بولىنەدى. بۇل جولدامالار مەملەكەتتىك ساتىپ الۋ كونكۋرسىنان وتكەن ساناتورييلەرگە بەرىلەدى. 2025 جىلعى كونكۋرس قورىتىندىسى بويىنشا «اقسۋ دەمى»، «كۇلپارشىن»، «دەنساۋلىق» جانە «ايشا ءبيبى» ساناتورييلەرىمەن كەلىسىمشارت جاسالعان. سونىمەن قاتار، «ىزەتتى زەينەتكەر» مەملەكەتتىك ساۋىقتىرۋ ورتالىعى دا جۇمىس ىستەيدى، وندا 10 كۇنگە ارنالعان ەمدەۋ كۋرسى ۇيىمداستىرىلادى. شىمكەنتتە كەزەككە تۇرۋ پروسەسى تولىعىمەن اۆتوماتتاندىرىلعان، ول ءۇشىن geo-shym.kz سايتىنا كىرۋ قاجەت. قازىرگى ۋاقىتتا كەزەكتە شامامەن 29 مىڭ زەينەتكەر تىركەلگەن.

قاراعاندى قالاسىندا ەكىنشى دۇنيەجۇزىلىك سوعىس ارداگەرلەرى، ولارعا تەڭەستىرىلگەندەر جانە ەڭبەك ارداگەرلەرى ءۇشىن ساناتورييلىك-كۋرورتتىق ەمدەۋ قۇنىن وتەۋ قاراستىرىلعان. ەمدەۋدەن كەيىن قالالىق جۇمىسپەن قامتۋ جانە الەۋمەتتىك باعدارلامالار ءبولىمى راستايتىن قۇجاتتار نەگىزىندە شىعىنداردى وتەيدى. كومپەنساسيانىڭ ەڭ جوعارى مولشەرى – 316 120،42 تەڭگە.

باسقا كىمدەرگە ساناتورييلىك ەمدەلۋ قاراستىرىلعان؟

مۇگەدەك توپتاعى زەينەتكەرلەر مەن ءوز بەتىنشە قىزمەت كورسەتە المايتىن 75 جاستان اسقان قارتتارعا دا مەديسينالىق كورسەتكىشتەرى بولعان جاعدايدا ساناتورييلىك ەمدەلۋ ۇسىنىلادى. بۇل ساناتتاعى ازاماتتارعا قارقارالى اۋدانىنداعى (قارقارالى قالاسى) وڭالتۋ ورتالىعىندا الەۋمەتتىك-مەديسينالىق كومەك كورسەتىلەدى.

قوسىمشا اقپاراتتى جەرگىلىكتى اتقارۋشى ورگانداردان نەمەسە حقكو-لاردان الۋعا بولادى.