tengrinews.kz
قازاقستاندىقتار بانكتەگى اقشالارى ءۇشىن سىياقى الا باستايدى: 19 ناۋرىزدان باستاپ وزگەرىستەر
19 ناۋرىزدان باستاپ قازاقستاندىقتارعا اعىمداعى بانك شوتتارىنداعى اقشالارى ءۇشىن جىلدىق 1%-عا دەيىن سىياقى تولەنە باستايدى. بۇل تۋرالى Tengrinews.kz ءتىلشىسى حابارلايدى.
بۇل وزگەرىس «بانكتەر جانە بانك قىزمەتى تۋرالى» زاڭعا ەنگىزىلگەن تۇزەتۋلەرگە بايلانىستى بولىپ وتىر. بۇعان دەيىن، ياعني 2019 جىلدىڭ 1 قاڭتارىنان باستاپ اعىمداعى شوتتارداعى اقشاعا سىياقى تولەۋگە تىيىم سالىنعان ەدى.
بۇل قالاي جۇمىس ىستەيدى؟
ەگەر ءسىزدىڭ شوتىڭىزدا 100 مىڭ تەڭگە بولسا جانە سىياقى مولشەرلەمەسى 1% بولسا، جىل سوڭىندا شامامەن 1 مىڭ تەڭگە سىياقى الاسىز. ەگەر اقشانى ۋاقىتشا الىپ نەمەسە قوسىپ وتىرساڭىز، سىياقى تەك شوتتا بولعان ناقتى سوماعا ەسەپتەلەدى.
بۇعان دەيىن مۇنداي پراكتيكا 1999 جىلدان بەرى قولدانىلىپ كەلگەن، ءبىراق 2019 جىلى ازاماتتىق كودەكستىڭ 751-بابىنا وزگەرىس ەنگىزىلىپ، اعىمداعى شوتتارداعى اقشاعا سىياقى تولەنبەيتىنى تۋرالى نورما قوسىلعان بولاتىن. ۇلتتىق بانك بۇل شوتتاردى كۇندەلىكتى وپەراسيالار مەن ەسەپ ايىرىسۋلارعا ارنالعان دەپ تۇسىندىرگەن ەدى.
ايتا كەتەيىك، 16 قاڭتاردا قاسىم-جومارت توقايەۆ بانكتەر تۋرالى جاڭا زاڭعا جانە ءتيىستى تۇزەتۋلەرگە قول قويعان بولاتىن. بۇل قۇجات بانك وپەراسيالارىنىڭ جاڭا تۇرلەرىن ەنگىزىپ، بانك قىزمەتىن باقىلاۋدى كۇشەيتەدى.
-
الماتىنى جاپقان قاتتى قار جۇرتشىلىقتىڭ الەۋمەتتىك جەلىدەگى تالقىلاۋىنا اينالدى. قالا تۇرعىندارى مەن قوناقتارى قارلى كوشەلەردىڭ سۋرەتتەرىن ءبولىسىپ، كۇنتىزبەدە «39 اقپان» بولعانىن، ياعني قىستىڭ تىم ۇزاققا سوزىلعانىن ايتىپ ازىلدەسۋدە.
-
Kazakhstan's banking sector is set to reintroduce interest payments on current accounts، a move not seen in seven years، potentially benefiting account holders.
