Photo: Ayazhan (https://www.pexels.com/@ayazhan-3173683) / Pexels
قازاقستاندىقتار ەت جەۋدەن باس تارتۋدا: باعا ءوسىپ، جالاقى وسپەيتىن زامان كەلدى
قازاقستاندا سيىر ەتىن تۇتىنۋ ازايىپ، حالىق ودان باس تارتۋعا ءماجبۇر بولىپ وتىر. بۇل تۋرالى ماماندار ايتىپ، ناقتى ستاتيستيكالىق دەرەكتەردى العا تارتتى.
بۇل تۋرالى Infohub.kz اقپارات اگەنتتىگى حابارلايدى.
ەت تۇتىنۋدىڭ ازايۋى
قازاقستان ەتىنىڭ وداعىنىڭ ءتوراعاسى ماقسۋت باقتىبايەۆتىڭ ايتۋىنشا، بەس جىل بۇرىن ەلىمىزدە جىلىنا 500 مىڭ توننا سيىر ەتى تۇتىنىلسا، ءقازىر بۇل كورسەتكىش 400 مىڭ تونناعا دەيىن تومەندەگەن. بۇعان دەيىن ءار قازاقستاندىققا جىلىنا 27-28 كەلى ەت تيسە، ەندى بۇل كورسەتكىش 20 كەلىگە دەيىن ازايعان.
باعا مەن جالاقى اراسىنداعى الشاقتىق
ماماندار مۇنىڭ باستى سەبەبى – حالىقتىڭ تابىسىنىڭ وسپەي، ازىق-تۇلىك باعاسىنىڭ شارىقتاپ كەتۋى دەپ وتىر. ماسەلەن، ەتتىڭ باعاسى 2،5 مىڭ تەڭگەدەن 3، كەيىن 4 مىڭ تەڭگەگە دەيىن قىمباتتاعاندا، جالاقىسى وسپەگەن ادام بۇرىنعىداي ەتتى كوبىرەك ساتىپ الا المايدى.
«سايكەسىنشە، ءسىز نە ازىراق الاسىز، نە ارزانىراق ەت تۇرلەرىنە نەمەسە شۇجىققا اۋىساسىز. شىندىعىندا، سولاي بولىپ جاتىر. ستاتيستيكا بويىنشا، اق قۇس ەتىنىڭ، ياعني تاۋىق ەتىنىڭ تۇتىنۋى جان باسىنا شاققاندا 10 كەلىگە وسكەن. مىنە، وسىلايشا الماستىرۋ بولدى»، - دەدى ماقسۋت باقتىبايەۆ TengeTalks ارناسىنا بەرگەن سۇحباتىندا.
ەكسپورتقا كەتكەن ارزان ەت
قىزىعى سول، قازاقستاندىق ەت شەتەلگە ارزان باعامەن ساتىلۋدا. وتكەن جىلى ەلىمىز سيىر ەتىن ورتاشا ەسەپپەن ءبىر كەلىسىن 2 مىڭ تەڭگەدەن ەكسپورتقا شىعارعان.
-
قازگيدرومەت ماماندارى استانا مەن الماتى قالالارىنداعى 20، 21 جانە 22 ناۋرىز كۇندەرىنە ارنالعان اۋا رايى بولجامىن جاريالادى.
-
Kazakhs are buying less beef due to a widening gap between rising food prices and stagnant wages، leading to a shift towards cheaper alternatives.
