tengrinews.kz
قازاقستاندىقتار پايدالانباعان SIM-كارتالارى ءۇشىن قارىزعا باتتى: وپەراتور تۇسىنىكتەمە بەردى
ەلىمىزدەگى ۇيالى بايلانىس وپەراتورلارىنىڭ ءبىرى Tele2ء-نىڭ ابونەنتى پايدالانباعان ءنومىرى ءۇشىن كۇتپەگەن جەردەن قارىزعا باتقانىن ايتىپ، الەۋمەتتىك جەلىدە شاعىمداندى. بۇل جاعداي كوپشىلىكتىڭ قىزۋ تالقىلاۋىنا سەبەپ بولدى.
بۇل تۋرالى Infohub.kz اقپارات اگەنتتىگى حابارلايدى.
ابونەنتتىڭ ايتۋىنشا، ول اكسيا بويىنشا 5 مىڭ تەڭگەگە جۋىق ءتاريفتى قوسىپ العان. اكسيا اياقتالعاننان كەيىن ءتاريفتىڭ قۇنى 8990 تەڭگەگە دەيىن وسكەن. الايدا، ول SIM-كارتانى بىرنەشە اي بويى قولدانباعان. كەيىن بالانسىن تەكسەرگەندە، شوتتىڭ مينۋسقا كەتكەنىن كورەدى.
«بۇل بايلانىس ەمەس، ميكروكرەديت سياقتى»
«بالانسقا كىرسەم – مينۋس 5700 تەڭگە. ويلادىم، جارايدى، ابونەنتتىك تولەم الىندى دەپ. اقشا سالدىم – اتتەگەن-اي، بۇل SIM-كارتانى پايدالانباعانىم ءۇشىن ءوسىمپۇل ەكەن»، - دەپ اشۋىن جاسىرمادى تۇتىنۋشى.
ونىڭ ايتۋىنشا، مۇنداي جاعدايلاردىڭ شارتتارى كليەنتتەرگە قانشالىقتى اشىق جەتكىزىلەتىنى دە وزەكتى ماسەلە. «مۇنى قايدا جازادى؟ كىم 100 بەتتىك ۇساق ارىپتەردى وقيدى؟ ادام قارىز بولعاندا عانا بىلەدى»، - دەپ نارازىلىق ءبىلدىردى ول.
جەلىدەگى پىكىرلەردىڭ اراسىندا باسقا دا وسىنداي جاعدايعا تاپ بولعان تۇتىنۋشىلاردىڭ تاجىريبەسىمەن بولىسكەندەرى دە بار. ءبىرى وپەراتوردان كەلگەن SMS حابارلامانىڭ سكرينشوتىن جاريالاپتى. ونداعى مالىمەت بويىنشا، قارىزدى وندىرۋمەن كوللەكتورلىق اگەنتتىكتەر اينالىسۋى مۇمكىن.
وپەراتوردىڭ جاۋابى
Tele2 كومپانياسىنىڭ باسپا ءسوز قىزمەتى بۇل جاعدايدى SIM-كارتانى پايدالانباۋمەن ەمەس، كەلىسىمشارتتىق ءتاريفتىڭ شارتتارىن بۇزۋمەن بايلانىستىردى.
«SIM-كارتانى پايدالانباعانى ءۇشىن ءوسىمپۇل جوق. بەلگىلى ءبىر كەلىسىمشارتتىق تاريفتەردە شارتتى بۇزعان جاعدايدا ءوسىمپۇل قاراستىرىلعان. قاراپايىم تىلمەن ايتقاندا، كەلىسىمشارت مەرزىمى اياقتالماي بۇزىلسا، سولاي بولادى»، - دەپ ءتۇسىندىردى وپەراتور وكىلدەرى.
كومپانيانىڭ مالىمەتىنشە، مۇنداي تاريفتەردى قوسۋ كەزىندە ابونەنت ەسپ ارقىلى شارتقا كەلىسىمىن راستايدى.
«كەلىسىمشارتتىق تاريفتەردىڭ شارتتارى ورىندالماعان جاعدايدا، ابونەنت كەلىسىمشارتتا جازىلعان تالاپتارعا دايىن بولۋى ءتيىس. تاريفتىك جوسپارعا قوسۋ تۋرالى ءوتىنىش – ابونەنتتى تىركەۋ پروسەسىندەگى ماڭىزدى قادام. ءتاريفتى قوسپاس بۇرىن ابونەنت شارتتارمەن تانىستىرىلادى جانە تاريف تۋرالى تولىق اقپارات الۋعا سىلتەمە بەرىلەدى. ونى قوسقان كەزدە ابونەنت جىلدىق تاريفتەردىڭ شارتتارىنا كەلىسەدى»، - دەپ حابارلادى كومپانيا.
وپەراتور سونداي-اق، ابونەنتتەردى تولەمدەر مەن ىقتيمال سالدار تۋرالى الدىن الا حاباردار ەتەتىنىن ايتتى.
«ءبىز ابونەنتتى جوسپارلى تولەمنەن بىرنەشە كۇن بۇرىن ابونەنتتىك تولەمدى ەنگىزۋ قاجەتتىگى تۋرالى حاباردار ەتەمىز. ەگەر تولەم كەلمەسە، ءوسىمپۇل ەسەپتەلگەنگە دەيىن ابونەنت SMS-حابارلاما الادى»، - دەپ اتاپ ءوتتى ولار.
ەگەر ابونەنت ءنومىردى ۋاقىتشا پايدالانبايتىن بولسا، كومپانيا ءتاريفتى الدىن الا اۋىستىرۋعا كەڭەس بەرەدى.
ءوسىمپۇل تۋرالى اقپارات قايدا ورنالاسقان؟
ءوسىمپۇل تۋرالى مالىمەتتەر ۇيالى بايلانىس وپەراتورىنىڭ سايتىندا، [كەلىسىمشارتتىق تاريفتەر بولىمىندە](https://tele2.kz/new/contract-tariffs) ورنالاسقان. قوسىمشا اقپاراتتا كەلىسىمشارتتى بۇزۋ شارتتارىن تابۋعا بولادى. وندا «ابونەنتتىك تولەم 31-دەن 60-شى كۇنگە دەيىن ەسەپتەلمەسە» دەگەن تارماق بار:
سايتتاعى اقپاراتقا سايكەس، كەلىسىمشارت كەلەسى جاعدايلاردا دا بۇزىلادى:
-
Kazakhstan's tax authorities will begin reviewing mobile money transfers from March، with notifications expected to be sent out in May.
-
A Tele2 subscriber's complaint about debt on an unused SIM card highlights issues with tariff terms and contract agreements in Kazakhstan.
