depositphotos.com
قازاقستاندىقتار ساپاسىز ينتەرنەت ءۇشىن اقشالارىن قايتارىپ الدى
جەتىسۋ وبلىسىنداعى تۇرعىندار ساپاسىز ينتەرنەت قىزمەتىنە قاتىستى شاعىمدارىن سوتقا جەتكىزىپ، اقشالارىن قايتارىپ الدى. سوت شەشىمىمەن ون تۇتىنۋشىعا بارلىعى 315 مىڭ تەڭگە ءوندىرىلدى.
بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ساۋدا جانە ينتەگراسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتىنىڭ ءتوراعاسى بولات تانابەرگەنوۆ مالىمدەدى.
«جەتىسۋ وبلىستىق ساۋدا جانە تۇتىنۋشىلار قۇقىقتارىن قورعاۋ دەپارتامەنتى 10 تۇتىنۋشىنىڭ ينتەرنەت جانە بايلانىس قىزمەتتەرى ساپاسىز كورسەتىلگەنى ءۇشىن اقشالاي قاراجاتتى ءوندىرىپ الۋ ماقساتىندا تالدىقورعان قالالىق سوتىنا تالاپ-ارىز بەردى. سوتتىڭ قاۋلىسىمەن ون تۇتىنۋشىعا 315 مىڭ تەڭگە قايتارىلۋى مىندەتتەلدى»، - دەدى تانابەرگەنوۆ.
ول كەيىننەن قازاقستاندىقتار الدىمەن ينتەرنەت پروۆايدەرىنە جۇگىنگەنىن، 40 كۇننەن استام ۋاقىت بويى ساپالى بايلانىس بولماعانىن ايتقانىن ناقتىلادى. وسىدان كەيىن تۇرعىندار تۇتىنۋشىلاردى قورعاۋ جونىندەگى اۋماقتىق دەپارتامەنتكە شاعىمدانعان.
«كومپانيا بۇل كۇندەرى بايلانىس قىزمەتتەرىن كورسەتپەگەنىن مويىنداپ، اقشانى قايتارىپ بەردى»، - دەپ قوستى بولات تانابەرگەنوۆ.
بۇعان دەيىن ءماجىلىس دەپۋتاتى مارات باشيموۆ ۇيىندەگى ينتەرنەتتىڭ ناشارلىعىنا شاعىمدانعانى حابارلانعان بولاتىن. ول بۇل ماسەلەنى ق ر ۆيسە-پرەمەرى، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆكە جەتكىزگەن.
-
بەلگىلى رەسەيلىك اكتەر الەكساندر ميحايلوۆ بەيبىتشىلىككە شاقىرىپ، رەسەي مەن قازاقستاننىڭ بولاشاق ەكونوميكالىق الەۋەتى تۋرالى ايتتى.
-
Residents in the Zhetysu region successfully sued their internet provider، securing refunds for poor service quality.
