Photo: Pixabay (https://www.pexels.com/@pixabay) / Pexels
قازاقستاندىقتار تابىس ازايعان سوڭ دەپوزيتتەرگە اقشا سالۋدى ازايتتى
ەلىمىزدەگى حالىقتىڭ بانك دەپوزيتتەرىنە اقشا سالۋ قارقىنى باسەڭدەدى. ەگەر 2023-2024 جىلدارى دەپوزيتتەردىڭ ءوسىمى 20%-دان اسقان بولسا، 2025 جىلدىڭ قورىتىندىسى بويىنشا بۇل كورسەتكىش نەبارى 14،7%-كە جەتتى. بۇل تۋرالى قازاقستاندىق دەپوزيتتەرگە كەپىلدىك بەرۋ قورى (قدك) جاريالادى.
بۇل جاعدايعا نەگىزگى سەبەپ – ينفلياسيانىڭ ءوسۋى. 2025 جىلى ينفلياسيا 12،3%-كە جەتىپ، بۇرىنعى جىلمەن سالىستىرعاندا (8،6%) ايتارلىقتاي ارتتى. سونىڭ سالدارىنان قازاقستاندىقتاردىڭ ناقتى تابىسى 6%-كە تومەندەپ، جىل سوڭىنداعى يندەكسى 94%-كە تەڭ بولدى.
حالىقتىڭ تابىسىنىڭ ازايۋىنا بايلانىستى، ولاردىڭ كوپ بولىگى اقشانى كۇندەلىكتى قاجەتتىلىكتەرگە جۇمساۋعا ءماجبۇر. قازاقستاندىقتاردىڭ جالپى شىعىنىنىڭ 92%-ى تۇتىنۋعا كەتسە، ونىڭ 52،3%-ى ازىق-تۇلىككە جۇمسالادى ەكەن.
دەپوزيتتەر نارىعىنىڭ ءوسۋى باياۋلادى
وسىعان قاراماستان، 2025 جىلى بولشەك دەپوزيتتەر نارىعى 14،7%-كە ءوسىپ، 28،2 ترلن تەڭگەگە جەتتى. الايدا، بۇل ءوسىمنىڭ قارقىنى بۇرىنعى جىلدارمەن سالىستىرعاندا تومەندەگەن:
قدك ماماندارىنىڭ ايتۋىنشا، دەپوزيتتەر ينفلياسيادان قورعانۋعا جانە تابىس تابۋعا مۇمكىندىك بەرەتىن ءتيىمدى قۇرال بولىپ قالا بەرەدى. دەگەنمەن، BCC Invest كومپانياسىنىڭ ساراپشىلارى قازاقستاندىقتارعا دەپوزيتتەرگە قاراعاندا وبليگاسيالارعا اقشا سالۋ تيىمدىرەك ەكەنىن ايتقان بولاتىن. وبليگاسيالاردىڭ پايىزدىق مولشەرلەمەسى دەپوزيتتەردەن جوعارى.
-
ءانشى اباي بەگەيدىڭ قىزى، بلوگەر سىمبات اباي قىزى جەلىدە ورامال تاعىپ بيلەگەن ۆيدەوسى ءۇشىن كوپشىلىكتىڭ سىنىنا قالدى.
-
Rising inflation and falling real incomes are causing Kazakh citizens to deposit less money into bank accounts، according to the Kazakhstan Deposit Insurance Fund.
