tengrinews.kz
قازاقستاندىقتاردىڭ جاڭا تەلەفوندارى «كىرپىشكە» اينالۋدا: وپەراتور مالىمدەمە جاسادى
سوڭعى كەزدەرى الەۋمەتتىك جەلىلەردە قازاقستان تۇرعىندارىنىڭ جاڭادان العان نەمەسە شەتەلدەن اكەلگەن سمارتفوندارىنىڭ تىركەلمەي، «كىرپىشكە» اينالىپ جاتقانى تۋرالى شاعىمدار كوبەيدى. بۇل جاعداي كوپشىلىكتى الاڭداتىپ وتىر.
بۇل تۋرالى Infohub.kz اقپارات اگەنتتىگى حابارلايدى.
نە بولدى؟
الەۋمەتتىك جەلىلەردەگى جازبالارعا سۇيەنسەك، رەسەي، قىرعىزستان جانە وزبەكستاننان اكەلىنگەن تەلەفونداردى تىركەۋ مۇمكىن بولماي قالعان. ءتىپتى بىرنەشە جىل بۇرىن ساتىپ الىنعان قۇرىلعىلاردىڭ دا IMEI كودتارى قابىلدانبايتىنى ايتىلۋدا. بۇل جاعدايدى پايدالانىپ، دەلدالدار ماسەلەنى 30-50 مىڭ تەڭگەگە شەشىپ بەرۋدى ۇسىنىپ ۇلگەرگەن.
وپەراتوردىڭ جاۋابى
ATS Mediafon دەرەكتەر بازاسىنىڭ وپەراتورى بۇل جاعدايعا قاتىستى ءوز پىكىرىن ءبىلدىردى. كومپانيا وكىلدەرىنىڭ ايتۋىنشا، شۋ كوبىنە «سۇر» جولمەن جۇمىس ىستەۋگە داعدىلانعاندار تاراپىنان بولىپ وتىر. ولاردىڭ ايتۋىنشا، زاڭ تالاپتارىن بۇزباي، رەسمي تۇردە اكەلىنگەن جانە ءتيىستى تولەمدەرى جاسالعان قۇرىلعىلار ەشقانداي قيىندىقسىز تىركەلەدى.
نەگە تىركەۋدەن باس تارتادى؟
ەڭ ءجيى كەزدەسەتىن سەبەپ – «سۇر» يمپورت. بۇل قۇجاتسىز جانە سالىقسىز ەلگە اكەلىنگەن سمارتفوندار. مۇنداي جاعدايدا جۇيە قۇرىلعىنى زاڭدى اينالىمدا كورمەيدى، سوندىقتان IMEI كودى تەكسەرۋدەن وتپەيدى. تەلەفوننىڭ قاي ەلدەن اكەلىنگەنى ەمەس، ونىڭ زاڭدى تۇردە ەلگە كىرگىزىلگەنى جانە ءتيىستى قۇجاتتارىنىڭ بار-جوعى ماڭىزدى.
تىركەۋ ءۇشىن اقى تولەۋ قاجەت پە؟
كومپانيا قاراپايىم پايدالانۋشىلار ءۇشىن تەكسەرۋدىڭ ءالى دە تەگىن ەكەنىن اتاپ ءوتتى. الەۋمەتتىك جەلىلەردە ايتىلىپ جۇرگەن 2 اەك مولشەرىندەگى تولەم ازاماتتارعا قاتىستى ەمەس. يمپورتتاۋشىلار مەن رەسمي ديستريبيۋتورلاردىڭ ۆەريفيكاسيا قىزمەتتەرىن كورسەتۋ تۋرالى كوممەرسيالىق كەلىسىمشارتتارى بار، ءبىراق بۇل تولەمنىڭ ءوزى راسىمدەۋدىڭ وتۋىنە كەپىلدىك بەرمەيدى. زاڭدى تۇردە اكەلىنگەنىن جانە سالىقتار مەن كەدەن تولەمدەرىنىڭ تولەنگەنىن راستاۋ مىندەتتى شارت بولىپ قالا بەرەدى.
تەلەفوندى رەسمي ساتۋشىلاردان العان جاعدايدا، ادەتتە، ۆەريفيكاسيادا ەشقانداي قيىندىق تۋىندامايدى. ال رەسمي ەمەس ساتۋشىلاردان ساتىپ العاندا، قۇرىلعىنىڭ زاڭدىلىعىنا قاتىستى تاۋەكەلدەردى ساتىپ الۋشى ءوزى قابىلدايدى. سوندىقتان ءوز قاۋىپسىزدىگىڭىز ءۇشىن ۇيالى قۇرىلعىلاردى تەك رەسمي ساتۋ ورىندارىنان ساتىپ الۋ ۇسىنىلادى.
-
س 2 مارتا «وتباسى بانك» ۆۆوديت نوۆىە ترەبوۆانيا دليا گراجدان، ستوياششيح ۆ وچەرەدي نا جيلە. ۋزنايتە، كاك ەتو پوۆلياەت نا پولۋچەنيە كۆارتيرى يلي لگوتنوگو كرەديتا.
-
Many Kazakhstani citizens are reporting their new smartphones are becoming unusable due to IMEI registration problems، with one operator shedding light on the situation.
