Photo: Ayazhan (https://www.pexels.com/@ayazhan-3173683) / Pexels
قازاقستاندىقتارعا تۇرعىن ءۇي ساتۋدىڭ جاڭا ەرەجەلەرى ەسكەرتىلدى
ەلىمىزدە پاتەر ساتۋ ەرەجەلەرى وزگەردى. ەندى ءۇيدى ساتىپ العاننان كەيىن ەكى جىل وتپەي ساتىلسا، سالىق تولەۋگە تۋرا كەلەدى. بۇل تۋرالى قۇرىلىس سالاسى مامانى ديليارا سەيتنۇروۆا ءوزىنىڭ Telegram ارناسىندا حابارلادى.
بۇل تۋرالى Infohub.kz اقپارات اگەنتتىگى حابارلايدى.
تۇرعىن ءۇي ساتۋدان پايدا تاپساڭىز، سالىق تولەڭىز
2026 جىلدىڭ 1 قاڭتارىنان باستاپ تۇرعىن ءۇي ساتۋ ەرەجەلەرىنە وزگەرىستەر ەنگىزىلدى. ەندى ءۇيدى ساتىپ العاننان كەيىن ەڭ تومەنگى يەلەنۋ مەرزىمى ءبىر جىلدان ەكى جىلعا ۇزارتىلدى. ياعني، 2026 جىلى پاتەر ساتىپ العان ادام ونى 2028 جىلعا دەيىن سالىقسىز ساتا المايدى.
«2026 جىلدىڭ قاڭتارىندا ساتىپ الساڭىز – 2028 جىلدىڭ قاڭتارىنا دەيىن ساتساڭىز سالىق تولەيسىز. باسقا امال جوق. ال 2026 جىلعا دەيىن ءۇي ساتىپ العاندار ءۇشىن ەشتەڭە وزگەرگەن جوق. ەسكى ءبىر جىلدىق ەرەجە ساقتالادى»، - دەپ اتاپ ءوتتى ديليارا سەيتنۇروۆا.
سالىق پايدانىڭ سوماسىنان ەسەپتەلەدى. ياعني، ەگەر ءۇيدى ساتىپ العان باعامەن نەمەسە ودان ارزان باعامەن ساتساڭىز، ەشتەڭە تولەۋدىڭ قاجەتى جوق. الايدا، زاڭ تالاپتارىندا شاتاسۋ وڭاي، سەبەبى كەلىسىمشارتتاردا مامىلەنىڭ قورىتىندى سوماسىنا اسەر ەتەتىن ءارتۇرلى تارماقتار كەزدەسەدى.
پاتەرلەر قىمباتتاي ما؟
بۇعان دەيىن الماتىداعى تۇرعىن ءۇي قۇنىنىڭ نەدەن قۇرالاتىنى جانە نەلىكتەن وڭتۇستىك مەگاپوليستەگى پاتەرلەردىڭ جاقىندا ودان دا قىمباتتاۋى مۇمكىن ەكەندىگى تۋرالى اقپارات شىققان بولاتىن.
-
اناليز رىنكا ترۋدا ۆ كازاحستانە: كاكيە پروفەسسيي پرەدلاگايۋت سامىە ۆىسوكيە زارپلاتى ي كاكيە وجيدانيا ۋ سويسكاتەلەي.
-
اقتوبەدەگى حالىققا قىزمەت كورسەتۋ ورتالىعىندا (حقكو) شەتەلدىكتەردى تىركەۋ بويىنشا زاڭسىز دەلدالدىقپەن اينالىسقان توپ ۇستالدى.
