InfoHub Logo

ەلىمىزدىڭ باتىسى مەن شىعىسىن قامتىعان قاتتى جەل مەن داۋىل اتىراۋ جانە اباي وبلىستارىندا ەلەۋلى زارداپتارعا اكەلدى. تۇرعىندار مەن قۇتقارۋشىلار ءۇشىن بۇل كۇن كۇتپەگەن سىناق بولدى.

بۇل تۋرالى Infohub.kz اقپارات اگەنتتىگى حابارلايدى.

اتىراۋداعى اپات

اتىراۋ قالاسىنداعى كۇشتى جەل شاتىرلاردان كىرپىشتەردى جۇلىپ، اعاشتاردى سىندىرىپ، بەكىتىلمەگەن قۇرىلىستاردى ۇشىرىپ اكەتتى. تۇرعىندارعا قاجەت بولمايىنشا كوشەگە شىقپاۋ تۋرالى ەسكەرتىلدى. ورتالىق اتىراۋداعى بىرنەشە كوپقاباتتى ءۇيدىڭ شاتىرى جەلدىڭ ەكپىنىنەن ءبولىنىپ، استىندا تۇرعان اۆتوكولىكتەرگە قۇلاپ، ولارعا ەلەۋلى زيان كەلتىردى. باقىتىمىزعا وراي، ەشكىم زارداپ شەككەن جوق.

اباي وبلىسىنداعى زارداپتار

اباي وبلىسىنىڭ اياگوز اۋدانى دا داۋىلدىڭ اششى لەبىنەن امان قالمادى. ۇيلەردىڭ شاتىرلارى ۇشىپ، ەلەكتر باعانالارى قۇلاپ، ءبىرقاتار ەلدى مەكەن جارىقسىز قالدى. كوپقاباتتى جانە جەكە ۇيلەر، مەكتەپ، مەيرامحانا، قويمالار مەن ءتىپتى كازارمالار دا زاقىمدالدى. كەيبىر ۇيلەردە ەلەكتر قۋاتىنىڭ ۇزىلۋىنەن تۇرمىستىق تەحنيكا ىستەن شىققان.

اياگوز اۋدانى اكىمى اپپاراتىنىڭ باسپا ءسوز حاتشىسى مادينا باقىمبايەۆانىڭ ايتۋىنشا، ساعاتىنا 28 مەترگە دەيىنگى ەكپىنى بار جەل اياگوز قالاسى مەن بارشاتاس، وركەن، مامىرسۋ اۋىلدارىندا 19 شاڭىراق شاتىرىنىڭ جۇلىنۋىنا سەبەپ بولعان. قازىرگى ۋاقىتتا اياگوز اۋدانىندا توتەنشە جاعداي جاريالانىپ، ارنايى كوميسسيا قۇرىلدى.