InfoHub Logo

قازاقستاننىڭ ەڭ قاريا تۇرعىنى، تۇركىستان وبلىسىنىڭ تۇركىستان قالاسىندا تۇراتىن ءاقالi ەسiمحان قىزى بيىل 116 جاسقا تولدى. ول ءومىردىڭ ءمانى مەن ۇزاق عۇمىردىڭ قۇپياسىن ءبولىستى.

بۇل تۋرالى Infohub.kz اقپارات اگەنتتىگى حابارلايدى.

ەڭبەك پەن وتباسى – ۇزاق عۇمىردىڭ كەپىلى

ءاقالi اجە ءومىرىن وتباسىنا ارناعان. ول ءوزىنىڭ ۇزاق عۇمىرىنىڭ قۇپياسى – ەڭبەكقورلىق پەن جاقىندارىنا دەگەن سۇيىسپەنشىلىك دەيدى. جۇبايى ايازباي ەكەۋى بالالارىن تاربيەلەپ، ولارعا ۇلگى بولۋعا تىرىسقان.

وتباسى – اجەنىڭ ءومىرىنىڭ ءمانى جانە سەنىمدى تىرەگى. بۇگىندە ءاقالi اجەنىڭ 15 نەمەرەسى مەن 25 شوبەرەسى بار.

«100 جاستان استىم. وسى جىلدار ىشىندە قانشاما وقيعا بولدى. قاسىمدا بالالارىم، نەمەرەلەرىم مەن شوبەرەلەرىم بارىنا قۋانىشتىمىن. بار ويىم – ولاردىڭ اماندىعى»، – دەيدى قاريا.

اجە ءالى دە بەلسەندى

تۋىستارىنىڭ ايتۋىنشا، اجە ەشقاشان دەنساۋلىعىنا شاعىمدانباعان. ءاقالi اجە ۇنەمى بەلسەندى بولۋعا تىرىسىپ، وتباسىنا تاماق دايىنداۋعا كومەكتەسەدى.

«ارينە، بۇرىنعىداي ەمەس، جاسى كەلگەن سايىن شاماسى كەلگەنشە قيمىلدايدى. ءبىراق ۇيدە وتىرىپ قالمايدى، ءۇي ءىشىن ارالاپ، كەيدە اۋلادا سەرۋەندەيدى. ءتىپتى تاماق پىسىرۋگە دە كومەكتەسەدى. بوس وتىرعىسى كەلمەيدى»، – دەيدى كەلىنى راۋشان تەڭىزبايەۆا.

ومىرگە دەگەن ءپوزيتيۆتى كوزقاراس

وزگەلەرگە پايدالى بولۋ – قاريانىڭ باستى ۇستانىمى. «ومىرگە دەگەن ءپوزيتيۆتى كوزقاراس پەن وتباسىنىڭ قولداۋى ماعان كۇش بەرەدى»، – دەيدى ءاقالi تەڭىزبايەۆا.