InfoHub Logo

قازاقستاندىق جولاۋشىلار ۆاگوندارىن ءوندىرۋشى RWS Wagon (ج ش س "زيكستو") Railways Systems KZ حولدينگىنىڭ سوڭعى ۇلگىدەگى 17 "45ء-شى" سەريالى كۋپە ۆاگونىن ۇلتتىق تاسىمالداۋشىعا جەتكىزىپ بەردى. وسىلايشا، كاسىپورىن 2025 جىلدىڭ قازان ايىنىڭ سوڭىندا قول قويىلعان كەلىسىمشارتتى مەرزىمىنەن بۇرىن ورىنداپ، 2026 جىلدىڭ ماۋسىم ايىنىڭ سوڭىنا دەيىن ەسەپتەلگەن مىندەتتەمەلەردى ءتورت اي بۇرىن تولىقتاي اياقتادى. بۇل تۋرالى كومپانيانىڭ باسپا ءسوز قىزمەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

جاڭا ۆاگونداردىڭ ەرەكشەلىكتەرى

Railways Systems KZ مالىمەتىنشە، كەلىسىم اياسىندا RWS Wagon ۇلتتىق تاسىمالداۋشى ءۇشىن 100 ۆاگون شىعارعان. سوڭعى 17 ۆاگوندى جەتكىزۋ 2026 جىلدىڭ ماۋسىم ايىنىڭ سوڭىنا جوسپارلانعانىمەن، ناۋرىز ايىنىڭ باسىندا تاپسىرىس بەرۋشىگە جىبەرىلدى. كومپانيا بۇل جاڭالىقتى جولاۋشىلار اعىنىنىڭ ءوسۋى مەن جەلىگە تۇسەتىن ماۋسىمدىق جۇكتەمەلەر جاعدايىندا زاۋىتتىڭ شارت تالاپتارىن ورىنداپ قانا قويماي، ۋاقىتىنان بۇرىن جۇمىس ىستەۋ قابىلەتىن كورسەتكەنىن ايتادى.

جولاۋشىلارعا ارنالعان جايلىلىق

جاڭا ۆاگوندار بارلىق ساناتتاعى جولاۋشىلارعا، سونىڭ ىشىندە مۇمكىندىگى شەكتەۋلى جاندارعا، بالالى وتباسىلارعا، قارت ادامدارعا جانە حالىقارالىق تۋريستەرگە ىڭعايلى ەتىپ جاسالعان. ەسىك الدىنداعى ارنايى پاندۋس مۇگەدەك ارباسىمەن كەدەرگىسىز كىرۋگە مۇمكىندىك بەرەدى. بالالارىمەن ساياحاتتايتىن وتباسىلار ءۇشىن سانيتارلىق بولمەلەردە ءسابي كۇتىمىنە ارنالعان ۇستەلدەر ورناتىلعان. ۆاگوندارداعى Wi-Fi جانە ءار ورىننىڭ جانىنداعى USB-قۋاتتاعىشتارى جولاۋشىلاردىڭ بايلانىستا بولۋىنا جانە قۇرىلعىلارىن زاريادتاۋىنا جاعداي جاسايدى.

قوسىمشا جابدىقتار مەن قاۋىپسىزدىك

ءاربىر توسەكتىڭ جانىنداعى ىڭعايلى تۇتقالار، تامبۋرلارداعى جارىقديودتى جارىقتاندىرۋ جانە ءار كۋپەنىڭ تەمپەراتۋراسىن جەكە رەتتەۋ مۇمكىندىگى ساپار كەزىندە جوعارى جايلىلىقتى قامتاماسىز ەتەدى. سونداي-اق، جولاۋشىلاردىڭ قۇندى زاتتارىن ساقتاۋعا ارنالعان جەكە سەيفتەر قاراستىرىلعان. ۆاگونداردىڭ ىشكى جابىندارى ەكولوگيالىق تازا، گيپواللەرگەندى ماتەريالداردان جاسالعان. اۋانى زالالسىزداندىرۋ جۇيەسى ينفەكسيا ءقاۋپىن ازايتادى.

ءوندىرىستىڭ ماڭىزى

«ءبىزدىڭ حولدينگ قازاقستاندا جولاۋشىلار ۆاگوندارىن قۇراستىرۋ بويىنشا اۋقىمدى باعدارلامانى جۇزەگە اسىرۋدا. بۇگىنگى تاڭدا جولاۋشىلارعا جايلىلىق پەن قىزمەت كورسەتۋدىڭ مۇلدەم جاڭا دەڭگەيى قاجەت، ال ءبىزدىڭ مىندەتىمىز – ۆاگونداردى بارلىعىنا ىڭعايلى ەتۋ. ءبىز ۇلتتىق تاسىمالداۋشىمەن كوپ جىلدان بەرى جۇمىس ىستەپ كەلەمىز جانە ورتاق قۇندىلىقتى بولىسەمىز – قازاقستاندىقتارعا الەمدىك دەڭگەيدەگى ۆاگونداردا ساياحاتتاۋ مۇمكىندىگىن بەرۋ. جاڭا مودەل ءتىپتى ەڭ تالاپشىل جولاۋشىلاردىڭ دا ءۇمىتىن اقتايتىنىنا سەنىمدىمىن»، - دەدى RWS KZ حولدينگىنىڭ پرەزيدەنتى سەرگەي پاۆلينگەر.

ءاربىر شتابتىق ۆاگوندا كەڭەيتىلگەن كەڭىستىگى بار جانە مۇمكىندىگى شەكتەۋلى ازاماتتارعا ارنالعان ارنايى كۋپەلەر مەن سانيتارلىق توراپتار جابدىقتالعان. تامبۋر مەن سالون اراسىنداعى جىلجىمالى ەسىكتەر كەڭىستىكتى ۇنەمدەيدى، شۋدى ازايتادى جانە ىڭعايلى اشىلادى. گەرمەتيكالىق ارالىق ۆاگونداردىڭ ءوتۋ جولدارى تۇراقتى ميكروكليماتتى ساقتاۋعا جانە پويىز ىشىندە ەركىن قوزعالۋعا مۇمكىندىك بەرەدى.

بارلىق ۆاگوندار كەز كەلگەن تەمپەراتۋرالىق رەجيمگە ءتوزىمدى، ۆاكۋۋمدى دارەتحانالار ۇزاق تۇراقتاردا دا جۇمىس ىستەيدى. اقپاراتتىق تابلولار قازاق، ورىس جانە اعىلشىن تىلدەرىندە اقپاراتتى كورسەتەدى. ۆاگون شاسسيلەرى "تەگىس ءجۇرىستى" قامتاماسىز ەتەدى.

جەرگىلىكتى ءوندىرىستىڭ تيىمدىلىگى

كومپانيانىڭ سەنىمدىلىگى بويىنشا: قازاقستان اۋماعىندا كولىك قۇرالدارىن جەرگىلىكتى ءوندىرۋ ۆاليۋتالىق تاۋەكەلدەردى ازايتادى، لوگيستيكالىق شىعىنداردى قىسقارتادى، جۇمىس ورىندارىن قۇرايدى. پاركتى جاڭارتۋ ونەركاسىپتىك ساياساتتىڭ جانە تەحنولوگيالىق ەگەمەندىككە ۇزاق مەرزىمدى ينۆەستيسيانىڭ بولىگى بولىپ تابىلادى.