InfoHub Logo

قازاقستاننىڭ بەس قالاسىندا اۋا ساپاسىنىڭ ناشارلاۋىنا بايلانىستى «قازگيدرومەت» ەسكەرتۋ جاسادى. الداعى ۋاقىتتا قولايسىز مەتەورولوگيالىق جاعدايلاردىڭ قالىپتاسۋى ىقتيمال.

بۇل تۋرالى Infohub.kz اقپارات اگەنتتىگى حابارلايدى.

قانداي قالالارعا قاتىستى؟

مالىمەتتەرگە سۇيەنسەك، 24 ناۋرىزدا قوستاناي، قاراعاندى، تەمىرتاۋ، اقتوبە قالالارىندا، سونداي-اق اتىراۋ قالاسىندا تۇندە اۋانىڭ لاستانۋىنا ىقپال ەتەتىن قولايسىز مەتەورولوگيالىق جاعدايلار كۇتىلەدى.

قولايسىز مەتەورولوگيالىق جاعدايلار دەگەنىمىز – اۋانىڭ لاستانۋىنا سەبەپ بولاتىن، جەلدىڭ السىزدىگى، تۇمان، ينۆەرسيا سياقتى قىسقا مەرزىمدى مەتەورولوگيالىق فاكتورلاردىڭ جيىنتىعى. بۇل جاعدايلار اتموسفەرانىڭ جەر بەتىندەگى قاباتىندا زياندى زاتتاردىڭ جينالۋىنا اكەلەدى.

قالالار بويىنشا بولجام

قوستاناي: اينىمالى بۇلتتى، جاۋىن-شاشىنسىز. تۇندە جانە تاڭەرتەڭ تۇمان بولادى. وڭتۇستىك-باتىس جەلى 3-8 م/س. تەمپەراتۋرا تۇندە 4-6°C اياز، كۇندىز 5-7°C جىلى.

قاراعاندى: اينىمالى بۇلتتى، جاۋىن-شاشىنسىز. كەيدە تۇمان تۇسەدى. وڭتۇستىك-باتىس جەلى سولتۇستىك-شىعىسقا اۋىسادى 2-7 م/س. تەمپەراتۋرا تۇندە 3-5°C اياز، كۇندىز 2-4°C جىلى.

تەمىرتاۋ: اينىمالى بۇلتتى، جاۋىن-شاشىنسىز. سولتۇستىك-باتىس جەلى 9-14 م/س. تەمپەراتۋرا تۇندە 3-8°C اياز، كۇندىز 5-10°C جىلى. وڭتۇستىك وڭىرلەردە 13°C دەيىن جەتۋى مۇمكىن. كەي جەرلەردە تۇمان ءتۇسۋى ىقتيمال.

اقتوبە: ازداعان بۇلتتى، جاۋىن-شاشىنسىز. شىعىس، وڭتۇستىك-شىعىس جەلى 7-12 م/س. تەمپەراتۋرا تۇندە 0°C شاماسىندا، كۇندىز 11-13°C جىلى.

اتىراۋ: اينىمالى بۇلتتى، كۇندىز جاڭبىر، نايزاعاي كۇتىلەدى. تۇندە جانە تاڭەرتەڭ تۇمان بولادى. شىعىس، وڭتۇستىك-شىعىس جەلى تۇندە 2-7 م/س، كۇندىز 9-14 م/س. تەمپەراتۋرا تۇندە 5-7°C جىلى، كۇندىز 22-24°C جىلى.