قازپوشتانىڭ ەلىمىزدىڭ قارجى جۇيەسىنىڭ دامۋىنا ۇلەس قوسىپ جاتقانىن ماقتان تۇتامىن – ساكەن سارسەنوۆ
«قازپوشتا» اق باسقارما ءتوراعاسى ساكەن سارسەنوۆ ءتول تەڭگەمىزدىڭ 25 جىلدىعىمەن قۇتتىقتادى. بۇل تۋرالى ول ءوزىنىڭ Facebook پاراقشاسىندا جازدى.
«قۇرمەتتى ارىپتەستەر، قارجى سالاسىنىڭ ماماندارى!
قازاقستاننىڭ ۇلتتىق ۆاليۋتاسى كۇنىمەن جانە ەلىمىزدىڭ قارجى جۇيەسى قىزمەتكەرلەرىنىڭ كاسىبي مەرەكەسىمەن قۇتتىقتايمىن»، – دەدى س. سارسەنوۆ.
ءوز قۇتتىقتاۋىندا ول: «مەن قازپوشتانىڭ وسى ۋاقىتقا دەيىن ەلىمىزدەگى قارجى جۇيەسىنىڭ دامۋىنا وزىندىك ۇلەس قوسىپ كەلە جاتقانىن ماقتان تۇتامىن. ءبىز ءار كۇن سايىن قارجىلىق قىزمەتتەردى كەڭەيتۋ، تولەم قۇجاتتارىنىڭ جۇمىس ساپاسىن جەتىلدىرۋ، جاڭا سەرۆيستەردى دامىتۋ جۇمىستارىن جۇرگىزۋدەمىز. قازپوشتا ۇجىمىنا وسى قاجىرلى ەڭبەگى ءۇشىن رياسىز العىسىمدى بىلدىرەمىن»، – دەدى.
سونداي-اق، باسقارما ءتوراعاسى قازاقستاننىڭ جاڭا قارجى تاريحىن قالىپتاستىرۋعا ۇلەس قوسىپ كەلە جاتقان ءار ادامعا زور دەنساۋلىق، تابىس جانە قارجىلىق تۇراقتىلىق تىلەدى.
ايتا كەتەيىك، قازاقستان ءۇشىن 1993 جىلدىڭ 15 قاراشاسى ۇلتتىق ۆاليۋتا كۇنى بولىپ ەسەپتەلەدى. 1993 جىلدىڭ 12 قاراشاسىندا مەملەكەت باسشىسى نۇرسۇلتان نازاربايەۆ ۇلتتىق ۆاليۋتا ەنگىزۋ تۋرالى جارلىققا قول قويعان ەدى. اراعا ءۇش كۇن سالىپ، قازاقستاننىڭ ۇلتتىق ۆاليۋتاسى – تەڭگە اينالىمعا ەنگىزىلدى.
قازىرگى كەزدە «قازپوشتا» اق فيليالدارى ارقىلى كوپتەگەن قارجىلىق قىزمەتتەردى ۇسىنادى. ول ارقىلى كوممۋنالدىق تولەمدەردى تولەۋگە، ەكىنشى دەڭگەيلى بانكتەردىڭ قىزمەتتەرىن الۋعا بولادى.
You Might Also Like
-
پەتروپاۆلدا سوڭعى ۇلگiدەگi وقۋشىلار سارايى اشىلدى. وسىعان وراي، وقۋشىلار مەن اتا-انالار ءۇشىن اشىق ەسiك كۇنi ۇيىمداستىرىلىپ، ولار ءۇيiرمەلەردiڭ جۇمىسىمەن تانىستى.
