قازۇۋ سپورتشىلارىن قۇتتىقتايدى
سماگۋلوۆا ا.س. ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتى، ديپلوماتيالىق اۋدارما كافەدراسىنىڭ ي.و.دوسەنتى
راحيمبايەۆا ر.م. ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتى، ديپلوماتيالىق اۋدارما كافەدراسىنىڭ Phd دوكتورانتى، اعا وقىتۋشىسى
بۇگىندە قازۇۋ تمد ەلدەرى مەن ورتالىق ازياداعى ەڭ ۇزدىك جوعارى وقۋ ورىندارىنىڭ ءبىرى بولىپ تابىلادى. بۇل ۋنيۆەرسيتەتتىڭ بارلىق قىزمەتكەرلەرىنىڭ عىلىمي ء-بىلىم بەرۋ سالاسىندا عانا ەمەس، سونىمەن قاتار سپورتتاعى بىرلەسكەن قاجىرلى ەڭبەگىنىڭ ناتيجەسى. جاتتىقتىرۋشىلار مەن تالىمگەرلەردىڭ قاجىرلى ەڭبەگى مەن كاسىبي شەبەرلىگىنىڭ ارقاسىندا سپورتشىلاردىڭ ءبىر ەمەس بىرنەشە ۇرپاعى دايىندالدى.
ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما ءتوراعاسى – رەكتورى جانسەيىت تۇيمەبايەۆ وقۋ ورنىنىڭ تۇلەگى ەلدوس سمەتوۆ پەن مەديسينا فاكۋلتەتىنىڭ 1-كۋرس ستۋدەنتى يگور سوندى توكيو وليمپياداسىنىڭ قولا جۇلدەسىمەن قۇتتىقتادى.
دزيۋدوشى ەلدوس باقتىباي ۇلى قازۇۋ-دىڭ زاڭ فاكۋلتەتىن بىتىرگەن. 2016 جىلعى ريو وليمپياداسىنىڭ كۇمىس جۇلدەگەرى. كۇنشىعىس ەلىندە 60 كەلى سالماقتا ەل نامىسىن قورعاپ، قولا مەدالعا قول جەتكىزدى.
يگور سون – قازىرگى ساتتە دەنە شىنىقتىرۋ جانە سپورت ماماندىعى بويىنشا ءبىلىم الۋدا. اۋىر اتلەتيكادان 61 كەلىگە دەيىنگى سالماق دارەجەسىندە سىنعا ءتۇسىپ، جۇلقا كوتەرۋدە 131 كەلىنى، سەرپە كوتەرۋدە 163 كەلىنى باعىندىردى.
ج.تۇيمەبايەۆ ءوز قۇتتىقتاۋىندا وليمپيادا ويىندارىنىڭ جۇلدەگەرلەرى قازاق ەلىنىڭ ابىرويىن اسقاقتاتىپ قانا قويماي، ۋنيۆەرسيتەت ۇجىمىن شەكسىز ماقتانىش پەن قۋانىشقا بولەگەنىن جەتكىزدى.
سونىمەن قاتار، كۇنشىعىس ەلىندە ەكى كۇن ىشىندە قورجىنعا تۇسكەن ەكى قولا كەيىنگى ستۋدەنت جاستار ءۇشىن ەرەن ۇلگى، پاتريوتتىق رۋح سىيلايتىن جارقىن ءسات ەكەنىن اتاپ ءوتتى.
ەستەرىڭىزگە سالا كەتسەك، ءال-فارابي اتىنداعى قازاق ۇلتتىق ۋنيۆەرسيەتىنىڭ 10-عا جۋىق تۇلەگى مەن ءبىلىم الۋشىلارى قازاقستان ۇلتتىق قۇراماسىندا ءجۇزۋ، دزيۋدو، ەركىن كۇرەس، اۋىر اتلەتيكا، جەڭىل اتلەتيكا سياقتى سپورت تۇرلەرىنەن ب ا ق سىناۋدا. سونىمەن قاتار 3 كۋرس الەمدىك ەكونوميكا ماماندىعىنىڭ ستۋدەنتى الەكساندر مولچانوۆتىڭ جەڭىستەرى تۋرالى اتاپ وتكىم كەلەدى. ول «بۋريەۆەستنيك» ۆولەيبول كومانداسىندا وينايدى، وندا كوماندا بىرنەشە رەت جۇلدەلى ورىندارعا يە بولدى.
بارلىق سپورتشىلارىمىزدىڭ ەلگە جەڭىسپەن ورالۋىن تىلەيمىز! بارلىق سپورتشىلارىمىزعا بۇدان دا كوپ جەڭىستەر مەن جوعارى ماراپاتتار تىلەيمىز.
You Might Also Like
-
تالىمگەر – ومىرلىك تاجىريبەسى مول، ناعىز ەڭبەكقور، ىزدەنىمپاز، ۇشقىر ويلى مامان. ناعىز مىقتى تالىمگەر عانا سالاۋاتتى دا، سانالى، رۋحاني باي، جان-جاقتى دامىعان جەكە تۇلعا قالىپتاستىرا الادى. م...
