InfoHub Logo

ەلىمىزدىڭ تۇڭعىش ۋنيۆەرسيتەتى ءال-فارابي اتىنداعى ءبىلىم ورداسىنىڭ قۇرىلعانىنا بيىل 83 جىل تولىپ وتىر. وسى كەزەڭدە قازۇۋ قازاقستان ەكونوميكاسىنىڭ، مادەنيەتىنىڭ، عىلىمى مەن ءبىلىم سالاسىنىڭ قالىپتاسۋى مەن دامۋىنا ۇلكەن ۇلەس قوسىپ، وتانىمىزدىڭ بارلىق جوعارى مەكتەپ جۇيەسىنىڭ تىرەگىنە، بارلىق ورتاازيالىق ايماق بويىنشا كادرلاردىڭ ءىرى كاسىبي ءبىلىم بەرۋ ورتالىعىنا اينالدى. جوعارى ءبىلىم ساپاسى، حالىقارالىق تانىمالدىلىق، عىلىمي جانە زەرتتەۋ قىزمەتتەرىنىڭ، يننوۆاسيانىڭ بەلسەندىلىگى، مىقتى وقىتۋشى-پروفەسسورلار قۇرامى جانە تالانتتى تۇلەكتەر – بۇگىندە، قازۇۋ-دىڭ ماقتانىشى بولىپ تابىلادى.

ەۋروپالىق وداق جوعارى رانگى ساراپشىلارىنىڭ باعالاۋىنشا، قازۇۋ عىلىمي-تەحنيكالىق جانە يننوۆاسيالىق الەۋەتى قازاقستاننىڭ جوعارى وقۋ ورىندارى اراسىندا تەڭدەسىز كوشباسشى دەلىنەدى. بۇگىندە قازۇۋ الەمنىڭ تەحنولوگيالىق دامىعان ۇزدىك 50 ءبىلىم ورداسىنىڭ ىشىندە 31-ورىندى يەلەندى. سونىڭ نەگىزىندە قازۇۋ قالاشىعىنىڭ ايماعىندا قازۇۋ تەحنولوگيالىق پاركى 1994 جىلدان باستاپ قىزمەتىن اتقارىپ كەلەدى. جاڭا يننوۆاسيالار مەن مۇمكىنشىلىكتەر مەكەنى بولىپ تابىلاتىن بۇل پاركتىڭ ماقساتى – جاڭا يدەيالاردى جۇزەگە اسىرۋعا قولايلى شارتتار قۇرۋ، ۋنيۆەرسيتەتتىڭ زيالى جانە جاس زەرتتەۋشىلەرىنىڭ عىلىمي-زەرتتەۋلەرى جانە تاجىريبە-كونسترۋكتورلىق جۇمىستارىنىڭ ناتيجەلەرى نەگىزدە بەلسەندى تۇردە عىلىمدى قاجەت ەتەتىن ءوندىرىس سالاسىن دامىتۋ بولىپ تابىلادى. "عتپ" باستى مىندەتتەرىنىڭ ءبىرى - بۇل يننوۆاسيالىق كاسىپكەرلىكتى ورناتۋ مەن دامىتۋ ءۇشىن، ىقتيمال ىسكەرلىك سەرىكتەس ىزدەنىسىندە، ينۆەستورلاردى يننوۆاسيالىق عىلىمي-تەحنيكالىق جوبانى جۇزەگە اسىرۋ جانە ساپالىق كونسالتينگ قىزمەتىن ۇسىنۋ. ەندەشە، قازۇۋ تەحنولوگيالىق پاركىندە يندۋستريالىق-يننوۆاسيالىق قىزمەتتەن بولەك، وقىتۋ سەمينارلارى، ترەنينگتەر، كۋرستار مەن كونسۋلتاسيالار ۇيىمداستىرىلادى. اتاپ ايتساق، ستۋدەنتتەرگە وتە تومەن باعادا اعىلشىن، تۇرىك، ورىس تىلدەرىنىڭ كۋرستارى بار. جاڭا مۇمكىنشىلىكتەرگە جول اشاتىن تەحنوپاركتىڭ تەحنولوگيالار ترانسفەرتىندە جاردەم كورسەتىلەدى. نەگىزگى قىزمەتى يندۋستريالىق-يننوۆاسيالىق جوبالاردى ىسكە اسىرۋ بولىپ تابىلاتىن قازۇۋ تەحنوپاركى زاڭدى تۇلعالاردى قۇرۋدا ايتارلىقتاي ماڭىزعا يە. قازۇۋ تەحنوپاركى ءاربىر ستۋدەنتىمەن، ءار جوباعا ۇلكەن اكسەنت قويا وتىرىپ جۇمىس جاسايدى. ولارعا قاجەتتى جاعداي جاساپ، بارىنشا بيزنەس-جوبالاردىڭ ءىس جۇزىندە  جۇزەگە اسۋىنا ءمان بەرەدى. تەحنوپارك زەرتتەۋ اياسىندا بىرنەشە جوبالار جۇزەگە اسىرىلادى. سونىڭ ءبىرى 2013-2015 جىلدار اراسىندا قازۇۋ رەكتورى گ.م.مۋتانوۆتىڭ «نانوسپۋتنيك ۇلگىسىنىڭ عىلىمي تاجىريبەسى مەن باعدارلامالىق تەحنيكالىق كەشەن جاساپ شىعارۋ» عىلىمي-زەرتتەۋ ەڭبەگى، تەميربايەۆ ا.ا. «سىمدى جانە سىمسىز بايلانىس جەلىلەرىن سينحرونداۋ»، دەرگۋنوۆ س.ا. «كەۋەك پوليمەرلى نانوكاپسۋلالاردىڭ نەگىزىندە جاسالعان تۇراقتى كوپفۋنكسيونالدى باعدارلاما» سياقتى ءىرى عىلىمي جوبالار يننوۆاسيالىق جاڭا ويلاردى الىپ كەلدى. يننوۆاسيالار نەگىزىندەگى يندۋس­تريالاندىرۋ ءبىزدىڭ قوعامىمىزدىڭ جاڭا، قۇندى وزەگىنە اينالىپ كەلە جاتىر. ەلباسى ن. ءا. نازاربايەۆ: «تابىستى ۋنيۆەرسيتەتتەر دەگەنىمىز، ءبىرىنشى كەزەكتە اۆتونومدىق مارتەبەسى، اكادەميالىق ەركىندىگى بار جانە عى­لى­مي-زەرتتەۋ قىزمەتىنە باعدار ۇستانعان جوو-لار» دەپ ءبىر سوزىندە ايتىپ وتكەن ەدى. سونىڭ نەگىزىندە بۇگىنگى تاڭدا قازۇۋ تەحنوپاركى عىلىمي قىزمەتكەرلەر مەن جوو-نىڭ عالىمدارىمەن ورىندالاتىن يننوۆاسيالىق ءونiمدەردi ەنگiزۋ، عزج جانە نيوكر ورىنداۋدا قىزمەتكەرلەر مەن ۋنيۆەرسيتەت وقىتۋشىلارىنىڭ قاتىسۋىمەن بيۋدجەتتiك، شارۋاشىلىق كەلiسiم قۇرال-جابدىقتار، ءار ءتۇرلi يننوۆاسيالىق قورلاردىڭ قۇرال-جابدىقتارىن تارتۋ، يننوۆاسيالىق سالادا شاعىن كاسiپكەرلiكتiڭ تانىمالدىعى، سونىمەن قاتار تەحنوپاركتىڭ جەتىستىكتەرى مەن مۇمكىندىكتەرىن بۇقارالىق اقپارات قۇرالدارى ارقىلى بايانداۋ، ۋنيۆەرسيتەت جۇزەگە اسىراتىن وقۋ پروسەسiن قامتاماسىز ەتۋگە ءبىلىم ايماعىنداعى الەمدىك ستاندارتتا جاۋاپ بەرەتىن دەڭگەيدە الىپ شىعۋعا مۇمكىندىك بەرۋىنە قاتىسۋ بويىنشا شارالار جۇرگىزىپ وتىر.

 

         ءال-فارابي اتىنداعى قازاق ۇلتتىق ۋنيۆەرسيتەتى

ەكونوميكا جانە بيزنەس جوعارى مەكتەبى

«مەنەدجمەنت جانە ماركەتينگ» كافەدراسى

2 كۋرس ماگيسترانتى يساكوۆا ماليكا

---