InfoHub Logo

قازاق-جەتىمىڭ تاستاماعان حالىق، اباي قۇنانباي ۇلى جۇت كەزىندە ءوز اۋىلىنان وزگە اۋىلدىڭ ادامدارىنا جەر بەردى، نانىڭ ءبولىپ جەدى. ال ءقازىر شە؟ اۋىرىپ جاتقان بۇلدىرشىندەرگە، اناداي، اكەدەي جاستى ادامدارعا سبور اشىپ، قايىرشىنىڭ كەيپىن تانىتۋىمىز قاجەت پە؟ سوندا، ادامنىڭ دارىگە، شەتەلدەگى ەمگە، وتا جاساتۋعا قاراجاتى جەتپەسە ارام ءولۋى قاجەت پە؟ نەگە اۋرۋ ورشىمەي تۇرعاندا ونىڭ الدىن المادىق؟ ونكولوگيالىق اۋرۋعا دۋشار بولعان ناۋقاستار سانى كۇرت كوبەيىپ كەتكەن سوڭ عانا قوزعالىپ جاتىرمىز. ەلىمىزدەگى مەديسينانىڭ دامۋى جايلى ايتامىز، الايدا اۋرۋدىڭ الدىن الا الماي جاتقاندا قايداعى دامۋ؟

بايقايسىزدار ما، ءبىز ىستەپ جاتقان ءىستىڭ ءبارىن وزگەلەر ءۇشىن ىستەيمىز. مىسالى، ونكولوگيالىق اۋرۋعا شالدىققاندار سانى كۇن ساناپ ءوسىپ كەلەدى، ال ءبىز قول قۋسىرىپ قاراپ وتىرمىز، ناۋقاستار بولسا، باسقا امالى بولماعان سوڭ شەتەل مەديسيناسىنا ميللياردتاعان اقشا جىبەرىپ جاتىر. ەكونوميكانى كوتەرۋ كەرەك دەيمىز، الايدا ايتىلعان ءسوز، سول ءسوز كۇيىندە قالىپ كەتتى.

الەۋمەتتىك جاعدايدىڭ ناشارلاۋىنىڭ باستى سەبەبى-قىمباتشىلىق. ءدارى جەتپەيدى، وعان قوسا ول قىمباتتاۋدا. كۆوتاعا كەزەككە تۇرۋ قاجەت، ونى كۇتۋگە عۇمىرى جەتەتىن ادامدار بار ما؟ قىمباتشىلىق ءورشىپ كەلۋدە، زەينەتاقى، جالاقى مولشەرى كوتەرىلگەنىمەن، كۇندەلىكتى جەيتىن تاعامداردىڭ باعاسى ەكى، ءۇش ەسەگە كوبەيدى. سوندا جالاقى مەن زەينەتاقى باعاسىن كوتەرۋدىڭ نە ءمانى بار؟ ادىلدىك بار ما؟ “جاڭا قازاقستان” شىڭايى ما؟ ەلدە حالىق بولماسا، ول ەشقاشان مەملەكەت بولمايدى. سوندىقتان حالىقتى وزدەرىنە تيەسىلى ءبىرىنشى بايلىق دەنساۋلىقتان ايىرمايىق!

---