InfoHub Logo

الماتى وبلىسى، سارقان قالاسى
№1مەكتەپ-گيمنازياسىنىڭ
3 سىنىپ وقۋشىسى
تويبولدى جانسايا
جەتەكشىسى: احمەتجانوۆا نۋرگۋل ورازگالييەۆنا

                                         

تابيعاتتىڭ ءاربىر ماۋسىمى ەرەكشە بولاتىنى ءسوزسىز. ءار ماۋسىمنىڭ وزىنە ءتان قىزىعى مەن سەيىل-سەرۋەنى بار. سونىڭ ىشىندە قىس مەزگىلى دە وزىندىك كىرشىكسىز اپپاق قارىمەن، قاھارلى مىنەزىمەن، سىقىرلاعان ايازىمەن ەرەكشە. بۇل مەزگىلدە ادامدار تابيعاتتىڭ قۇپياسىن، ەرەكشە ءبىر ۇمىتىلماس ساتتەرىن تاماشالايدى. قارا جەردىڭ بەتىن باسقان اققۇبا ارۋ سياقتى ۇلپىلدەگەن اق ۇلپا قار اينالاعا ءسان بەرگەندەي. اركىم بۇل مەزگىلدى اسىعا كۇتەتىنى راس. ءبىرى شانالارىن ارقالاپ، بيىك جوتالارعا، تاۋلى قىراتتارعا بەت تۇزەيدى. دالا توسىندە قولدان سىرعاناق جاسايتىن قىزىقتى كەزدەردە ءوز الدىنا ءبىر بولەك اڭگىمە. قولدارىنا شانا سۇيرەگەن بالالار، جۇزدەرى كۇلكىگە تولى ادامدار بارلىعى بەينە ءبىر قىستىڭ سۋىعىن ەمەس، ونىڭ جىلى نۇرىن، ىستىق تارتار ساۋلەسىن تاۋىپ العانداي قۋانادى. دالانىڭ تابيعاتى تىپ-تىنىش قالپىنان، ماۋجىراعان كۇيىنەن سەرپىلە تۇسكەندەي كۇيدە. الاتاۋدىڭ سىلەمدەرى مەن بيىك جوتالارىنداعى قىس كورىنىستەرى كوزدىڭ جاۋىن الادى. باسىندا قاشاندا قار جاتاتىن قارت الاتاۋ ارۋ الماتىنىڭ كوركىنە كورىك قوسىپ تۇرعانداي كورىنەدى. اقىندار جىرعا قوسقان، انشىلەر انگە قوسقان الاتاۋ قىس مەزگىلىندە ەرەكشە سۇلۋ عوي، شىركىن! قىس مەزگىلىن تاعى دا اسىعا كۇتۋىمىزدىڭ ءبىر سەبەبى - جاڭا جىل. ءسىرا، بۇل مەيرامدى ەڭبەكتەگەن بالادان، ەڭكەيگەن قارتقا دەيىن كۇتەتىنى ايدان انىق. بۇلدىرشىندەر اپپاق قاردان اققالا جاساپ، شىرشا بەزەندىرىپ، اياز اتا مەن اقشا قاردى كورۋگە اسىعادى. بارلىعى اق تىلەكتەرىن ءبىلدىرىپ، سىيلىقتارىن بەرەدى. قىلىشىن سۇيرەتىپ جەتكەن قاھارلى قىستىڭ بىزگە بەرەر قىزىعى مەن قۋانىشى كوپ. وسىنداي ەستەن كەتپەس وقيعالارعا تولى قىس مەزگىلىن كەرەمەت دەۋگە تولىق نەگىز بار. قىستىڭ عاجايىپ ۇمىتىلماس شاقتارى ادام جانىنا شۋاعىن شاشىپ، نۇرىن توگە تۇسكەندەي، كوتەرىڭكى كوڭىل-كۇي سىيلايدى. ماعان قىس مەزگىلى قاتتى ۇنايدى.

---