InfoHub Logo

ارنايى پاندەر وقىتۋشىسى
تولباي ءمولدىر تولەۋباي قىزى

اشىق تاربيە ساعاتى
تاقىرىبى: قىزعا قىرىق ۇيدەن تىيىم
توبى: 1 تەح.
تاربيەلىك ماقساتى: بۇرىنعى سالت - ءداستۇردى جاڭعىرتا وتىرىپ، قازىرگى تاڭداعى قىزدارعا قازاق حالقىنىڭ تاربيە ماڭىزىن، اقىل كەڭەسىن ءتۇسىندىرۋ.
كورنەكىلىگى: پلاكات، سۋرەتتەر، قاناتتى سوزدەر.
ءتۇرى: پىكىر سايىس

جوسپار: I. تىيىم تۋرالى جالپى ۇعىم.
II. تىيىم سوزدەردى جەكە الىپ قاراۋ.
III. وي ءبولىسۋ كەزەڭى.
IV. ويىن كەزەڭى.
V. پىكىر سايىسى.
VI. قورىتىندى.

تاربيە ساعاتتىڭ بارىسى:
I - جۇرگىزۋشى: ارمىسىزدار قۇرمەتتى ستۋدەنت قاۋىم. بۇگىنگى ءبىزدىڭ وتكىزگەلى وتىرعان تاربيە ساعاتىمىزدىڭ تاقىرىبى "قىزعا قىرىق ۇيدەن تىيىم".

II - جۇرگىزۋشى: قايىرلى كۇن! ءيا اتا - بابامىز ايتقانداي "قىز وسسە ەلدىڭ كوركى، گۇل وسسە جەردىڭ كوركى" دەمەكشى قازاق حالقىندا قىز وتە نازىك قۇرمەتتى، قاسيەتتى ۇعىم بولعان.

I - جۇرگىزۋشى: ال ەندى، تىيىم سوزدەرگە جەكە توقتالساق، تىيىم سوزدەر دەگەنىمىز ول جاساۋعا بولمايتىن ياعني تاربيەگە، مادەنيەتتىلىككە جاتپايتىن ىستەردى جاساۋعا ارنالعان دايەك سوزدەر. مىسالى، "مالدى تەپپە، اقتى توكپە".

II - جۇرگىزۋشى: ال قىز بالا نازىك، قۇرمەتتى، قاسيەتتى جان بولعاندىقتان ولارعا ەرەكشە كوپ تىيىم ايتىلادى. مىسالى: "ۇلكەندەردىڭ الدىن كەسىپ وتپە"، "تىزەڭدى قۇشاقتاما"، "جاعىڭدى تايانبا"، "ەسىكتى كەرمە". بۇنىڭ ءبارى تاربيەلىك ءمانى بار سوزدەر.

I - جۇرگىزۋشى: ال ەندى ءار تىيىم سوزگە جەكە توقتالساق: قازاق حالقى وتە ىرىمشىل حالىق، سول سەبەپتى دە كوپ تىيۋ سوزدەر وسى ىرىمدارعا تىكەلەي بايلانىستىرىپ ايتىلعان. ەندەشە سونىڭ ماعىناسىن بىرىگىپ اشايىق. ول ءۇشىن 2 توپقا ءبولىنىپ، بەرىلگەن تىيىم سوزدەردىڭ ماعىناسىن اشىپ، ءاربىر دۇرىس جاۋاپ ءۇشىن 5 بالل كولەمىندە ۇپاي الادى.

II - جۇرگىزۋشى: ەندەشە باستايىق.
1. ءبۇيىرىڭدى تايانبا
2. ۇلكەننىڭ الدىن كەسپە
3. تابالدىرىقتا تۇرما
4. ءوزىڭ سۋ ىشكەن قۇدىققا تۇكىرمە
5. جاعىڭدى تايانبا

I - جۇرگىزۋشى:
1. قايتا كىرەر ەسىگىڭدى قاتتى جاپپا
2. قايىن جۇرتىڭنىڭ اتىن ايتپا
3. كەلىن بولساڭ، ورامالدى باسىڭنان تاستاما
4. تابالدىرىقتا وتىرما
5. تىزەڭدى قۇشاقتاما
6. ەكى ەلى اۋزىڭا ءتورت ەلى قاقپاق

II - جۇرگىزۋشى: ءار توپ تىيىم ءسوز ايتۋدان جارىسادى. ءبىراق ءبىر - ءبىرىنىڭ ءسوزىن قايتالامايدى. جانە ايتقان ءار ءبىر تىيىمنىڭ تولىق ماعىناسىن اشۋى كەرەك. بۇل كەزەڭدە ءار دۇرىس جاۋاپ 1 باللمەن باعالانادى.

I - جۇرگىزۋشى: ءار توپ 3 قىسقا كورىنىس كورسەتەدى. كەلەسى توپ سول كورىنىس كورسەتكەن توپتىڭ قانداي تىيىم سوزگە بايلانىستى كورىنىس كورسەتكەنىن تابۋى كەرەك. ءاربىر دۇرىس جاۋاپ 5 بالل.

II - جۇرگىزۋشى: توپ باسشىلارى ءبىر بىرىنە سۇراق قويادى. ارينە تەك قازاق حالقىنىڭ تىيىم سوزىنە بايلانىستى نەمەسە قىزعا، ارۋلارعا بايلانىستى بولۋ كەرەك. ءاربىر دۇرىس جاۋاپ 2 باللمەن باعالانادى. ال كەلەسى توپ سول سۇراققا جاۋاپ بەرىپ، وي پىكىرىن بىلدىرەدى.
ەندى سيتۋاسيالىق سۇراقتارعا جاۋاپ بەرىپ كورەيىك. ول ارينە قىزعا، قىز قىلىعىنا، تاربيەگە، مادەنيەتكە بايلانىستى بولادى.
1. ەگەر ءسىز وزىڭىزدەن ۇلكەن ادامنىڭ الدىنان بايقاماي كەسە كولدەنەڭ ءوتىپ كەتسەڭىز نە ىستەر ەدىڭىز؟
2. ءسىز بولاشاق ۇستاز رەتىندە مەكتەپكە پراكتيكاعا بارعاندا سىزگە وقۋشىڭىز ءسىز بىلمەيتىن تىيىم ءسوزدىڭ ماعىناسىن سۇراسا نە ىستەر ەدىڭىز؟
3. قىز بالا دەگەن جالپى قانداي بولۋى كەرەك؟ قالاي ويلايسىز؟
4. ءوزىڭىزدىڭ بويىڭىزدا قازاق قىزىنا ءتان قاسيەتتەر بار ما؟ قانداي؟

I - جۇرگىزۋشى: وسىمەن ءبىزدىڭ تاربيە ساعاتىمىزدا سوڭىنا جەتتى. ەكى توپتا بەلسەندى قاتىستى.
II - جۇرگىزۋشى: جەڭىمپازعا ارنالعان سىيلىقتارىمىزدى تابىستايىق. ويىن بولعان سوڭ ارينە جەڭىستە، جەڭىلىستە بولادى. سوندىقتان بارىڭىزگە العىس بىلدىرەمىز.
I - جۇرگىزۋشى: ال ءبارىمىز بىرگە "قىز سىنى" ءانىن ورىنداپ جىبەرەيىك.