قىزىلوردادا Microsoft اكادەمياسى اشىلادى
قورقىت اتا اتىنداعى قىزىلوردا مەملەكەتتىك ۋنيۆەرسيتەتى بازاسىندا "مايكروسوفت اكادەمياسى" مەن يننوۆاسيالىق ينجينيرينگ ورتالىعى اشىلادى.
بۇل تۋرالى ق ر ۇكىمەتىندە وتكەن باسپا ءسوز ءماسليحاتىندا قىزىلوردا وبلىسىنىڭ اكىمى قىرىمبەك كوشەربايەۆ مالىمدەدى.
«ءساۋىر ايىندا Microsoft كومپانياسىمەن ىنتىماقتاستىق تۋرالى مەموراندۋم بەكىتتىك جانە شىلدە ايىنان باستاپ، ونلاين-وقىتۋ ارقىلى زاماناۋي ينجەنەرلىك-كومپيۋتەرلىك تەحنولوگيالاردى قولداناتىن بىلىكتىلىگى جوعارى مامانداردى دايىنداۋدى باستادىق. بىرلەسكەن عىلىمي-زەرتتەۋ جانە تاجىريبەلىك-ەكسپەريمەنتتىك جۇمىستاردى جۇرگىزۋ ءۇشىن قورقىت اتا اتىنداعى قىزىلوردا مەملەكەتتىك ۋنيۆەرسيتەتى بازاسىندا "مايكروسوفت اكادەمياسىن" قۇرۋ تۋرالى ۋاعدالاستىق"، - دەدى ءوڭىر باسشىسى.
اكىمنىڭ ايتۋىنشا، قازىرگى ۋاقىتتا وبلىستا Machinە-Learning تەحنولوگياسى ارقىلى كۇرىش القابىنىڭ شىعىمىن بولجاپ، سۋ تاسقىنى جاعدايلارىن مودەلدەۋ باعىتتارى قولعا الىندى. Machinە-Learning - الەمدە كەڭىنەن قولدانىلاتىن Microsoft كومپانياسىنىڭ ءونىمى.
"ودان بولەك، ەكسپو اۋماعىن قولدانا وتىرىپ، ماسكەۋ بولات جانە قورىتپالار ينستيتۋتىمەن قىزىلوردادا ماشينا قۇراستىرۋ، 3-D پرينتەرىنىڭ كومەگىمەن تۇيىندەر مەن دەتالدار وندىرۋگە باعىتتالعان ماسكەۋلىك عىلىمي-زەرتتەۋ ينجينيرينگ ورتالىعىنىڭ بالاماسىن قۇرۋ جونىندە كەلىسسوزدەر جۇرگىزدىك»، - دەپ تولىقتىردى ق. كوشەربايەۆ.
You Might Also Like
-
ماڭعىستاۋ وبلىسى، جاڭاوزەن قالاسى №25 تولاعاي بالاباقشاسى مكقك №15 "بولاشاق" ماد توبى تاربيەلەنۋشىسى تۇرعانباي گاۋھار اسىلبەك قىزى تاربيەشىسى: ۋرگەشبايەۆا كازىنا جىلكىبايەۆنا
-
قىزىلوردا قالاسى №101 ءا.ءمۇسىلىم ۇلى اتىنداعى مەكتەپ-ليسەيدىڭ 3 «ا» سىنىپ وقۋشىسى بولات ايسۇلتان دوسحان ۇلى
