قالتارىس، بۇلتارىسى مىڭ سان قابات
قىزىق ءومىر، اقىرىن تۇرساڭ قاراپ.
بىرەۋلەردىڭ ەڭبەگى ەش، تۇزى cop بوپ
بىرەۋلەردىڭ باقىتى ءجۇر سورعالاپ.
قىزىق ءومىر، كىم ءبىلسىن، سونىسىمەن،
الاسى مەن قۇلاسى، تورىسىمەن.
تاعدىر ءتۇرلى بولعانمەن ءومىر بىرەۋ
ۇناتامىن ءومىردى سول ءۇشىن مەن.
ۇنايدى ءومىر ىنتىماق، كۇرەسىمەن،
قۇر قالمايدى ەشكىم دە ۇلەسىنەن.
ءولىپ-تالىپ جەتكەندە باقىتىنا،
شورت ءۇزىلىپ، كەي تاعدىر تۇگەسىلگەن.
ومىرىمە ءوزىمنىڭ تاڭدانامىن،
قالمايىن دەپ قاتاردان قارمانامىن.
بۇگىنىمدى وتكىزسەم قيىندىقپەن،
ەرتەڭىمە ۇمىتپەن الدانامىن.
ۇناتامىن ءومىردىڭ وي-قىرلارىن،
ساۋىق قۇرىپ، سايرانداپ، توي قىلعانىن.
ءومىر كەرەك كولەڭكە، شۋاعىمەن،
ءومىر كەرەك!
باسقانىڭ قويدىم ءبارىن...

---