InfoHub Logo

الەۋمەتتىك جەلىدە اقتوبەلىك ەمشى باعداگۇلدىڭ داۋلى مالىمدەمەسى جۇرتشىلىقتىڭ نازارىن اۋداردى. بۇل جاعدايعا بەلگىلى تەلەجۋرناليست دانا نۇرجىگىت تە ارالاسىپ، ءوزىنىڭ پىكىرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

جەلىدەگى بەيبەرەكەت سوزدەرگە توسقاۋىل قويۋ كەرەك

دانا نۇرجىگىت الەۋمەتتىك جەلىدە تاراعان ەمشىنىڭ سوزدەرىنە قاتىستى الاڭداۋشىلىعىن جەتكىزدى. ونىڭ ايتۋىنشا، بايان مەن دينارا سياقتى كەز كەلگەن ادام وسىنداي جاعدايعا تاپ بولۋى مۇمكىن. جۋرناليست ادامنىڭ ار-نامىسىنا نۇقسان كەلتىرەتىن، بىلاپىت سوزدەردىڭ جاۋاپسىز قالماۋى كەرەكتىگىن اتاپ ءوتتى.

«جەلىدە ەسىپ جۇرگەن وسىنداي جەل سوزگە، ادامنىڭ ابىرويىنا نۇقسان كەلتىرەتىن بىلاپىت سوزدەردى ايتۋعا بولا ما؟ مۇنداي ارەكەتتەرگە زاڭ اياسىندا باعا بەرىلۋى ءتيىس»، – دەدى دانا نۇرجىگىت.

ارىپتەستەرىنە قولداۋ ءبىلدىردى

دانا نۇرجىگىت بۇل ارەكەتتىڭ زاڭعا قايشى ەكەنىن ايتىپ، ارىپتەستەرى بايان الاگوزوۆا مەن دينارا ءساتجانعا قولداۋ ءبىلدىردى. ونىڭ پىكىرىنشە، كەز كەلگەن سىني پىكىر مادەنيەتتى شەڭبەردەن شىقپاۋى كەرەك.

«بايان مەن دينارا – ءوز دەڭگەيىندە جۇمىس ىستەپ جاتقان ادامدار. ولارعا باعا بەرۋگە بولادى، ءبىراق ولاردىڭ ابىرويىنا نۇقسان كەلتىرۋگە ەشكىمنىڭ قاقىسى جوق. بازارداعى اپەرباققان مىنەزدى قويۋ كەرەك. بۇل – قوعامعا جاقسى ۇلگى ەمەس»، – دەپ قورىتىندىلادى جۋرناليست.

ايتا كەتەيىك، ەمشى باعداگۇلدىڭ الەۋمەتتىك جەلىدە تاراعان داۋلى ۆيدەوسىنان كەيىن، ونىڭ ۇستىنەن قۇقىقتىق شارا قولدانۋ ماقساتىندا پروديۋسەر بايان الاگوزوۆا مەن تەلەجۇرگىزۋشى دينارا ءساتجان سوتقا ارىز تۇسىرگەن بولاتىن.