قوناقتىڭ مىندەتتەرى
1. شاقىرىلعان جەرگە كەشىگىپ تە، ەرتە دە بارماۋ كەرەك. باراردا ءبىراز تاماقتانىپ بارۋ سۇننەت بولىپ تابىلادى.
2. قوناقتىڭ جان-جاعىنا قاراماۋى كەرەك، ءۇي يەسىن ىڭعايسىز جاعدايعا تۇسىرمەۋ كەرەك. ءۇي يەسىنىڭ رۇقساتىنسىز باسقا قوناققا تاعام ۇسىنىپ، سياپات كورسەتپەۋ كەرەك!
3. داستارحان باسىندا ادەپتى بولىپ وتىرۋ جانە بۇل ادەپتى سوڭىنا دەيىن ساقتاۋعا تىرىسۋ كەرەك. راسۋلۋللاھ الەيھيسسالام جەرگە توسەلگەن داستارحان باسىندا كەيدە تىزەرلەپ وتىراتىن، كەيدە وڭ اياعىن بۇگىپ سول اياعىنىڭ ۇستىنە وتىرىپ:
«مەن تاماقتانعان كەزدە جانتايمايمىن! مەن اللاھتىڭ قۇلىمىن، قۇل قالاي وتىراتىن بولسا، سولاي جەيمىن، سولاي وتىرامىن.» — دەيتىن ەدى. (بۇحاري)
تاماق جەپ جاتقاندا جانتايۋ كۇنا ەمەس. باسقالاردىڭ الدىندا ەشبىر سەبەپسىز جانتايىپ جاتۋ ادەپكە ساي ەمەس.
4. اكەلىنگەن تاماقتىڭ كەمشىلىگىن ىزدەمەۋ كەرەك. كەمشىلىگى بولسا دا ايتپاۋ كەرەك.«قوناقتىڭ اكەلىنگەن تاماعىن ۇناتپاۋى وعان جاماندىق رەتىندە جەتكىلىكتى». (يبن ءابيددۇنيا)
5. قوناقتىڭ ءوزى قالاعان نارسەلەردى سۇراماۋى كەرەك، اكەلىنگەندەرمەن قاناعاتتانۋى كەرەك. «اناۋ بار ما؟ مىناۋ بار ما؟» دەپ اۋرەگە سالۋعا بولمايدى.
6. ءۇي يەسى نەمەسە سول جەردە وتىرعان باسقا دا قوناقتار جاقتىرمايتىن ارەكەتتەر جاساماۋ كەرەك، جيىركەنىشتى ارەكەتتەر مەن سوزدەردەن ۇزاق بولۋ كەرەك.
7. ءدىني سەنىم، ساياسي ءقوزقاراستار ءارتۇرلى بولسا دا ءۇي يەسىنىڭ نەمەسە سول جەردەگىلەردى رەنجىتەتىن سوزدەر ايتپاۋ كەرەك.
8. قاجەتتى تۇردە سىي-سياپات، تاعام ۇسىنىلماعان بولسا دا، قوناقتىڭ ۇيدەن جاقسى كوڭىلمەن جانە رازى بولعانىن بىلدىرەتىن سوزدەر ايتىپ شىعۋ كەرەك!
9. ءۇي يەسىنىڭ رۇقساتىنسىز نەمەسە حابارىنسىز ۇيدەن كەتپەۋ كەرەك! سۇيىكتى پايعامبارىمىز وسىلاي حابارسىز كەتىپ قالۋدى مۇلدەم دۇرىس دەپ سانامايتىن ەدى.
10. بىرنەشە كۇنگە كەلگەن قوناقتىڭ ءۇي يەسىنە اۋىرتپالىق بەرمەۋ ءۇشىن قاجەتتىلىك بولماسا ءۇش كۇننەن ارتىق قالماۋعا، جۇك بولماۋعا تىرىسۋى كەرەك!
You Might Also Like
-
اق تەڭىزبەن قىزىل تەڭىزدى بىرلەستىرىپ، قاجىلىق جانە ساۋدا جولدارىن جەڭىلدەتۋ ءۇشىن سۇلتان ابدۋلازيز حاننىڭ داۋىرىندە جانە ونىڭ مىسىرلىق حيديۋي (اكىمى) يسمايل پاشانىڭ ات سالىسۋىمەن 25 ءساۋىر 1859 جىلى...
-
شەكەردىڭ ورنىنا بالدى قولدانىپ كوردىڭىز بە؟ شايىڭىزعا نە بولماسا سۇتىڭىزگە شەكەردىڭ ورنىنا بال قوسىپ كورىڭىز. ارينە شەكەرسىز ىشەتىندەر بولەك. ءبىراق بالالاردىڭ قورەگىنە شەكەردىڭ ورنىنا بال قولدانىڭىز.
